Library
Profile
ஒரு தாயின் கண்ணீர்
ஒரு தாயின் கண்ணீர்
தன் மடி சேர்ந்த வித்தினை
பத்திரமாய் தன்னுள் கொண்டு
கண்ணின் மணியெனக் காத்து
தான் சுமந்த கிள்ளையை
பிரசவிக்கும் அன்னையென
விதையது துளிர்த்து
செடியாகி மரமாகி
பெரும் விருட்சமாகி
உயர்ந்து நிற்கையிலும்
கால்பதித்து வேரூன்றி நிற்க
தன் மடிதனில் இடமளித்து
உணவாம் நீரினை
வேர் உறியும் முன்னர்
தான் உறிந்து ஊட்டிடும்
அன்னையவளின் பெருந்தன்மை
கிள்ளையாம் மரத்திற்கும்
வாய்த்திடாதோ ?
ஓரறிவு முதல்
ஆறறிவு வரை
அ
னைத்து மண்ணுயிருக்கும்
உணவு முதல் இருப்பிடம் வரை
வழங்குவதோடு நில்லாது
உயிர்வளி வழங்கி
வாழ்வாதாரமாய் மாறிப்போன
மரக் கிள்ளையை
ஈவிரக்கம் இன்றி
சிரச்சேதம் செய்து
அவர்தம் அன்னையாம்
பூமித் தாயின் மடிதனில்
வீழச் செய்யும்
கொடூர மனம் படைத்திட்ட
மாக்களுக்கு - என்ன
தண்டனை வழங்கியே தன்
இரணமான மனத்திற்கு
ஆறுதல் தேடிக் கொள்வாளோ
பூமித் தாயவள் ?
தயாராகவே இருப்போம்
பாவத்தின் சம்பளத்தை
பெற்றுக் கொள்ளவே !
