மறந்து விட்டோம்

உகந்த உணவை உண்ண மறந்தோம்

உரிய நேரத்தில் உறங்க மறந்தோம்

உகந்தவருக்கு உதவ மறந்தோம் உன்னதமான உறவுகளை மறந்தோம் உறவுகளோடு வாழ மறந்தோம்

உற்றாரோடு உரையாட  மறந்தோம்

உணர்ச்சிகளை மறந்தோம்

உணர்வுகளை மதிக்க மறந்தோம்

உயிர்களைக் காக்க மறந்தோம்

உழைத்து வாழ மறந்தோம்

உலகம் போற்றும் பண்பாட்டை மறந்தோம்

உற்சாகம் தரும் வாசிப்பை மறந்தோம்

உலகை இரசித்து வாழ மறந்தோம்

உயிரைக் காக்கும் உழவு மறந்தோம்

உலகம் காக்கும் இயற்கையை மறந்தோம்

உலகம் அழிவை சந்திப்பதை மறந்தோம்

உருளுகிறோம் எந்திரங்களோடு

உழைக்கிறோம்  எந்திரங்களோடு

உறவாடுகிறோம் எந்திரங்களோடு

உறங்குகிறோம் எந்திரங்களோடு

உறக்கம் கலைகிறோம் எந்திரங்களோடு

உயிர் துறக்கிறோம் எந்திரங்களோடு எந்திரங்களாக!!!