இல்லையடி பாப்பா

ஆணென்றும் பெண்ணென்றும்

பிறப்பில் மட்டுமேயன்றி

உன் உயர்வுக்கு தடைகளில்லையடி_பாப்பா

மேலென்றும் கீழென்றும்

செய்யும் செயல்களிலன்றி

நமக்குள் பேதங்கள் இல்லையடி _பாப்பா

விண்ணென்றும் மண்ணென்றும்

இருக்கும் இடமேயன்றி

நம் வெற்றிக்கு தடைகளில்லையடி_பாப்பா

தாய்மொழி அயல்மொழி

வெறும் கூற்றேயன்றி

கற்போர்க்கு எல்லாம் தேவையடி_பாப்பா

உயர்வும் தாழ்வும்

நம் பண்புகளிலேயன்றி

பிறப்பில் இல்லையடி _பாப்பா

பெரிதும் சிறிதும்

புறத்திற்கேயன்றி

நம் அகத்திற்கில்லையடி_பாப்பா

சாதிகள் இல்லையடி பாப்பா

உலகிற்கு இதை உணர்த்த

கல்வி கற்று சிறப்புறடி _பாப்பா.