அரங்கேற்றம்

அன்புள்ள நாட்குறிப்பே,

மழை தந்த இனிய அனுபவம், இங்கே கவிதையாய்

துளித் துளியாய்

மெல்ல கீழிறங்கி

காற்றோடு கைகோர்த்து

ஆனந்த நடமாடி

மரங்களின் தலைகோதி

வழிநெடுக நலம் விசாரித்து

பொறுமையாய் மண்ணத் தழுவ

இதற்கெனவே தவம் கிடந்த

நிலமோ - பூரிப்பில்

மண் வாசனையை

சுகந்தமெனப் பரப்ப

மண்ணின் சுகந்தமும்

மழையின் தண்மையும்

கைகோர்க்க - ஆங்கோர்

இனிமைச் சூழலின் அரங்கேற்றம் !