నీ రాకకై
నీ రాకకై
1 min
462
ఇంకా నా కనులలో నీ రూపు
నిలుపుకొననే లేదు!
ఇంకా నా హృదిలో నీ మోము
ముద్రించనే లేదు !
ఇంకా నీ చేతిలో చెయ్యి వేసి
నడువనేలేదు!
ఇంకా నీ సాన్నిహిత్యం లోని
మాధుర్యాన్ని అనిభవించనేలేదు !
ఇంకా నీ పరిరంభనం లోని
తియ్యదనాన్ని ఆస్వాదించనే లేదు!
ఇంకా నీతో సహచర్యము
మొదలు పెట్టనే లేదు!
ఇంతలోనే
సమయం ఆసన్నమయింది
కాబోలు ,
నా రాకకై
పుష్పక విమానము
వేచి ఉన్నది .
సమయము మించక ముందే
ఒకసారి నువ్వు వస్తే,
తనివి తీరా నిన్ను
కనులలో నింపుకొని
ఎవరూ కానరాని లోకాలకు
తృప్తిగా తరలి పోతాను!