కోపం

దాచుకోలేనంత బరువైనది

ఆపలేనంత అసాధ్యమైనది

ఆలోచనల్ని చంపేసి ఆవేశాన్నిచ్చే ఆయుధం లాంటిది

నిప్పు కనికల మాదిరి ఎర్రగా మండుతుంది

కారుమబ్బు కమ్మేలా దేహం దారి తప్పుతుంది

కణం కణం కసితో కాలిపోతుంది

నరం నరం నెత్తురుతో ఉడికిపోతుంది

ఊపిరి సెగ పొగలా కమ్ముకుంటుంది

గుండె చప్పుడు పిడుగు ధ్వనిలా ప్రజ్వలిస్తుంది

ప్రాణం తీసేంత ప్రమాదకరమైనది

దానితో ఆడుకోవడం అంత మంచిది కాదు...