ପଦଟିଏ ତୋ ନାଁରେ ପ୍ରିୟା
ପଦଟିଏ ତୋ ନାଁରେ ପ୍ରିୟା
ଥରଟିଏ ଆସିବ କି , ପ୍ରିୟା
ଟିକେ ନିରୋଳାରେ ବସିବା ।
ମୁଁ ତୁମ ଆଗରେ ଖୋଲିଦେବି
ମୋ ଜୀବନର ଗପ ଗଣ୍ଠିଲି
ତୁମେ ମୋ ଆଗରେ ଥୋଇଦେବ
ତୁମ ଜୀବନ ବାକ୍ସର ଚାବିକାଠି ।
ମୁଁ ତୁମକୁ ଚିହ୍ନିବି,
ତୁମେ ମୋତେ ଚିହ୍ନିବ ।
ମୁଁ ତୁମ ପାଇଁ ତୋଳି ଆଣିବି
ସରଗର ଫୁଲ ,
ତୁମେ ମୋ ପାଇଁ ରଚୁଥିବ
ସରାଗର ସ୍ଵର୍ଗ ।
ମୁଁ ତୁମ ପାଇଁ ଖୋଲିଦେବି
ହୃଦୟ ମନ୍ଦିର ,
ଆଉ ତୁମେ ତା ଭିତରେ
ସ୍ଥାନଟିଏ ବାଛିନେବ ଜନ୍ମ ଜନ୍ମାନ୍ତର ପାଇଁ ।
ତୁମେ ଆସିବ ତ ପ୍ରିୟା ?