ପଦଟିଏ ତୋ ନାଁରେ ପ୍ରିୟା

ଉଡନ୍ତା କେଶରେ ଓଢଣି ପଡିବ

ଚନ୍ଦ୍ର ବଦନରେ ସୂର୍ଯ୍ୟ ଝଲସିବ

ଦୁଇଟି ଠିକଣା ଏକ ହୋଇଯିବ

ଦୁଇ ଶ୍ଵାସକ୍ରିୟା ସାଥୀରେ ଚାଲିବ

ପ୍ରିୟତମା , କେବେ ସେ ଦିନ ଆସିବ ?

ଲୁଚି ଲୁଚି ଆଉ ମିଳନ ନୋହିବ

ଚୋରା ପୀରତିର ଦିନ ଶେଷ ହେବ

ମୁହଁ ନ ଘୋଡାଇ ଗାଡିରେ ବସିବ   

ବାଇଶି ପାହାଚେ ନ ଡରି ଗପିବ

ପ୍ରିୟତମା , କେବେ ସେ ଦିନ ଆସିବ ?

ବାହାରିବା ପାଇଁ ବାହାନା ସରିବ

ଘରକୁ ଫେରିବା ବାହାନା ଖୋଜିବ

ନିଃଶବ୍ଦ ପାଉଁଜି ରୁଣୁଝୁଣୁ ହେବ

ଶଙ୍ଖାର ଶବଦ ଶୃଙ୍ଗାର ରଚିବ

ପ୍ରିୟତମା , କେବେ ସେ ଦିନ ଆସିବ ?