ମୁଁ କଳିର ସାବିତ୍ରୀ
ମୁଁ କଳିର ସାବିତ୍ରୀ
ଚିହିଁକି ଉଠିଲେ କଳିର ସାବିତ୍ରୀ
ଯମଠୁଁ ପାଇକି ଚିଠି
ସେବେଠାରୁ ସିଏ ସଜେଇ ରଖିଲେ
ଘରର ବେଲଣା କାଠି ।
ଭାବିଲା ସାବିତ୍ରୀ ଯମ କହୁ ଅଛି
ମାରିବ ସ୍ୱାମୀକୁ ମୋହର
ମୋ ସାଥିରେ ପରା ନିଇତି ମରନ୍ତି
ସହି ମୋର ଅତ୍ୟାଚାର ।
ପଅଁରା ଛାଞ୍ଚୁଣି ଅଧା ମୋ ଛିଣ୍ଡୁଛି
କରି କରି ଓଭର ଡିଉଟି
ଖାଇ ପିଇ ନିତି ଖଟରେ ଶୋଉଛି
ବଜାୟ ରଖିଛି ବିଉଟି ।
ମୁଁ ପରା ଅଟଇ କଳିର ସାବିତ୍ରୀ
ତାଙ୍କ ପରେ ପୁରା ରାଇଟି
ସେ ପାଇଁ ପରା ମୁଁ ନାଇଟି ପିନ୍ଧିକି
ନିଇତି କରୁଛି ଫାଇଟି ।
ପଲଙ୍କେ ଶୋଇକି ସକାଳୁ ସକାଳୁ
କହିଦେଲେ ଗୁଡ଼ ମର୍ଣ୍ଣିଙ୍ଗି
ଅତି ସହଜରେ ବୁଝି ସେ ଯାଆନ୍ତି
ତାଙ୍କ ପାଇଁ ତାହା ୱାର୍ଣ୍ଣିଙ୍ଗି ।
ଜାଣିଛନ୍ତି ସିଏ ବିଛଣାରେ ଶୋଇ
ଚା ପିଇବାଟା ମୋ ହାବିଟି
ସେପାଇଁ ବନେଇ ନିତି ଦେଉଥାନ୍ତି
ନକରି ଜମାରୁ ଗ୍ରାବିଟି ।
ବାସନ କୁସନ ସବୁ ସେ ମାଜନ୍ତି
କାଳେ ହେବ ମୋତେ କୋଲଡ଼
ନହେଲେ ଜାଣନ୍ତି ତାଟିଆ କଂସାରେ
କରିବି ତାଙ୍କୁ ମୁଁ ବୋଲଡ଼ ।
ଆଣିବେନି ବୋଲି କହୁଥିଲେ ସିଏ
ଶୁଣିକି ମୋର ଭଏସ
ଦାମୀ ଶାଢ଼ୀ ଖଣ୍ଡେ ଧରିକି ଆସିଲେ
ହୋଇଗଲା ମୋର ଚଏସ ।
ଜନ୍ତୁପତି ଯଦି ନେବାପାଇଁ କୁହେ
ଏମିତି ସ୍ୱାମୀଙ୍କୁ ମୋହର
କିଏସେ କରିବ ସେବା ଯତ୍ନ ମୋର
ଖାଇବ ମୋଠାରୁ ପ୍ରହାର ।
ଆଉ କି ମିଳିବ ଅଜ୍ଞାଧୀନ ସ୍ୱାମୀ
ମୋର ଗୋଡେ ବଡ଼ିଗାର୍ଡ
ପକେଟଟା ସତେ ତାଙ୍କର ମୋପାଇଁ
ଅଟଇ କ୍ରେଡିଟ୍ ଆର୍ଡ ।
ଆଣିଛି ଗୋଟିଏ ବିଅର ବୋତଲ
ସେଥିରୁ ମାରିକି ପାନେ
ଏମିତିକା ନାମ ଦେବି ମୁଁ ଜମକୁ
ଆସିବନି ଆଉ ଦିନେ ।
,*****
ପ୍ରଶାନ୍ତ କୁମାର ନାଥ
ସୁନ୍ଦରପୁର,ଉତ୍ତରକୂଳ ହାଟ୍,ପ୍ରୀତିପୁର,ଯାଜପୁରକା