ଅପେକ୍ଷା -୧

ଛଳ ଛଳ ନୟନେ ଚାହିଁଛି ବାଟ ତୁମରି

କେଉଁ ରାଇଜେ ରହିଲ ମଗନ ଆସିଲନି ଫେରି l

ଆଖିଲୁହ ଆଖିରେ ମଲାଣି ପଥ ପଡିଛି ଶୂନ୍ୟ

ଅମାନିଆ ପବନଟା ଲିଭେଇଲାଣି ତୁମ ପାଦ ଚି଼ହ୍ନ l

ଅପେକ୍ଷାର ବୟସ ବଢ଼ି ବଢ଼ି ଚାଲେ ସମୟ ସାଥେ

ପ୍ରୀତିଫୁଲ ମୋର ଦୁଃଖରେ ମଉଳେ ଧରିଥିଲି ହାତେ l

ଆସିବା ଖବର ଦେଲନାହିଁ କାହିଁ କରିଛ ମାନ

ପ୍ରାଣ ପ୍ରିୟା ବୋଲି ଦେଖାଇଥିଲ କେତେ ସପନ l

ସବୁ ଋତୁ ଆସି ଛୁଇଁ ଚାଲିଗଲେ ବାଟେ

ଅଫେରା ପ୍ରେମିକ କଥା ଦେଇ ଫେରେନାହିଁ ମୋଟେ l

ହୃଦୟ ବେଦିରେ  ଜାଳି ପ୍ରେମର ଅଲିଭା ଦୀପାଳି

ଫେରିଆସ ଥରେ ଦେଖିଯିବ ମରୁଛି ଝୁରି ଝୁରି l