ଉଦାର ଭାନୁ
ଉଦାର ଭାନୁ
ପ୍ରଦୀପ୍ତ କୁମାର ବାରିକ
ଅରୁଣ କିରଣେ ଉଜ୍ଜ୍ଵଳ
ଦିଶେ ସାରା ଗଗନ,
ସକାଳରୁ ସଞ୍ଜ ସଫେଦ
ପରା ଧରା ଆନନ ।
ଜୀବଜନ୍ତୁ ପକ୍ଷୀ ପାଦପ
ନଦୀ ସାଗର ତନୁ,
ଉଲ୍ଲସିତ ଦେଖ ସରବେ
ପାଇ କିରଣ ରେଣୁ ।
ନାହିଁ ଅବସାଦ ନାହିଁ ଆଳସ୍ୟ
ନାହିଁ ଅନୁଶୋଚନା,
ବିଶ୍ଵ ଚରାଚରେ ରବିଙ୍କ
ନାହିଁ ଭେଦ ଭାବନା ।
ଯଶ ଖ୍ୟାତି ଲାଭ ଲୋଭରେ
ଭାନୁ ନୁହନ୍ତି ବଶ,
ରଶ୍ମି ବିତରଣେ ଲଭନ୍ତି
ରବି ଆତ୍ମସନ୍ତୋଷ ।
ନୀଚ ସ୍ଵାର୍ଥେ ବନ୍ଦୀ ଜୀବନ
ହୁଏ ନରକ ସମ,
ଜଗତ କଲ୍ୟାଣେ ଲଭନ୍ତା
ସିନା ସୁଖ ଅସୀମ ।