ଖୋଜୁଛି ମୁଁ ଏମିତି ଏକ ଋତୁ
ଖୋଜୁଛି ମୁଁ ଏମିତି ଏକ ଋତୁ
ଖୋଜୁଛି ମୁଁ ଏମିତି ଏକ ଋତୁ
ବଦଳିଯାଇଥିବ ଘାସ ଆଉ ଫୁଲର କାହାଣୀ
ପାହାଡ଼ଟା ଆଉ ଧୂସୁରା ଦିସୁନଥିବ
ପାଣିର ଗାର ପରି ଲିଭୁଥିବ
ରାଗରୁଷା ମାନଭିମାନ
ତର୍କବିତର୍କ ଠୁ ଦୁରେଇଥିବ ସମ୍ପର୍କ ର ଡୋର
ଅନ୍ଧବିଶ୍ୱାସ କୁ ସଂସ୍କାର ଗଣ୍ଠିଲି ମାରି ଉଇ ଖାଉଥିବ
ସମ୍ପ୍ରଦାୟିକତା ଭେଦଭୁଲି ବାଣ୍ଟୁଥିବା ନାରା "ଆମେ ସବୁ ଏକ"
ମୋତେ ଠିକ ସେ ହୁଳହୁଳି ପକେଇ ଆସେନି ,ଭଲ ରାନ୍ଧି ଆସେନି କହି ତୁମେ ବାଟ ଭାଙ୍ଗି ଚାଲିଯିବନି
ଆଖିକୁ ଦିସୁନି କହି ଶବ୍ଦ ସବୁ ଖାତାରେ ଏପାଖ ସେପାଖ ହେବେନି
ଏମିତି ଏକ ଋତୁ
ସମୟ ଟା ଟିକେ ରହିଯିବ
ସୁନସାନ ଖରାବେଳେ
କୃଷ୍ଣଚୁଡା ଛାଇତଳେ
ଫଗୁଣ ସରିନି କହି
ଅଙ୍କା ବଙ୍କା ରାସ୍ତା ସରି ଆସୁଥିବ
କେହି ନ ଝୁଣ୍ଟିଲା ଭଳି
ବାଡ଼ କଡ଼ ଲତାପରି
ମୁଠେ ମାଟି କୁ ଆଉଜି
କୁହୁଡ଼ି ରେ ଚାଲୁଚାଲୁ
ନେସି ହୋଇଯିବ କାକର ଟୋପା ଟା ଆଖି ପତାରେ,
ପଛରେ ସେ ଗଙ୍ଗଶିଉଳି ଫୁଲ ନେନ୍ଥାଏ ଝରିପଡୁଥିବ
କଲମ ମୁନରେ।