ନୂଆବର୍ଷ

ଶୀତ ର ଅଳସ ପଣ ରେ 

ପୁଣି କିଛି ନୂଆ ଆଶା ଭରସା ର  ଲୋଚା କୋଚା କାଗଜ଼ ଟିଏ ଗୁଂଜା ହେବ ଆଜି ମନ ର ପ୍ରତିଶୃତି ହୋଇ।ଆଉ ସେପଟେ ନୂଆ କେଲେଣ୍ଡର ସାଇତା ହୋଇ ରହିଯିବ କାନ୍ଥରେ ।

ସମୟ ଟା ବିନ୍ଦୁ ଟିଏ ହୋଇ କୃଷ୍ଣ ପକ୍ଷ ରୁ ଶୁକ୍ଳ ପକ୍ଷ ଯାଏ ଜହ୍ନ ର ଆୟୁଷ ନେଇ ଅଳ୍ପ ଅଳ୍ପ ବଢ଼ୁଥିବ।

ନିହାଣ ମୁନରେ ଶିଳ୍ପୀ ନିଜ ଶ୍ରେଷ୍ଠତା ର କଳା ଚାତୁରୀ ରେ ଇତିହାସ ଗଢୁ ଗଢୁ, ନିଜ ଛାତି କୁ ପଥର କରିବା ଭଳି ଆମେ  ଏବର୍ଷ ର ଅଜଣା ରାଶିଫଳ ଦେଖି ସାଷ୍ଟାଙ୍ଗ ହେବା।

ସୃଷ୍ଟିର ସର୍ଜନା ରେ

ମାଟିରୁ ଆକାଶ 

ଆଉ ଆକାଶ ରୁ ମାଟିର 

ଦୂରତା ମାପୁଥିବା ଧାନ କ୍ଷେତ ସୁନା ହୋଇ ଫଳିବ।

ନିଶ୍ୱାସରେ ବହୁଥିବା ପବନ

ଆଉ ଧମନୀ ର ରକ୍ତ କଣିକା ନିଜ ନିଜ ଭିତରେ ମଣିଷ ପଣିଆ ଖୋଜିବାରେ ବ୍ୟସ୍ତରହିବେ।

ଏବର୍ଷ ପାଣିପାଗ ର, ଭଲ ମୌସୁମୀବାୟୁ କୁ ଅପେକ୍ଷା,

ଗ୍ରହ ନକ୍ଷତ୍ର ଙ୍କ ଗତି କୁ ଚାହିଁ

ଦିନକୁ ରାତି ଆଉ ରାତି ର ଦିନ କୁ ଅପେକ୍ଷା ।

ହେଲେ 

ଗରିବ ର କୁଡ଼ିଆ ରେ ଚୁଲି ରେ ନୂଆ କିଛି ଫୁଟା ହେବା ଆଉ

ଅନାଥ ଶିଶୁ କୁ ବସ୍ତ୍ର ମିଳିବା ନିଶ୍ଚୟ ଭାଗ୍ୟ ର କଥା।

 

ଆମେ କିନ୍ତୁ ସେ ଚୁକ୍ତିପତ୍ର କୁ ମଧ୍ୟ ସମ୍ମାନ ଦେବା

ଯାହା ଆମ ସାମ୍ନା ରେ ,

ସେଥିରେ ଆଗତ,ବିଗତ ପ୍ରତି ଟି ଶଦ୍ଦ କୁ କାୟ ମନ ବାକ୍ୟ ରେ ଆଦରି ନେବା।

ଆମେ ସବୁ ମହାମାରୀ ରେ ପୀଡିତ ଯୋଦ୍ଧା।

ସାମାଜିକ ଦୂରତ୍ୱ ଆଉ ମୁହଁ ରେ ମାସ୍କ ସହ ଗତିଶୀଳ ହେବା ଆମ ଜୀବନର ଧର୍ମ