ପ୍ରାରବ୍ଧ

ସୃଷ୍ଟି ମୂଳେ ଅଛି କାରଣ ନିହିତ

କାରଣ ହୁଏ ପ୍ରେରିତ

କର୍ମର ଆଧାରେ ଜୀବାତ୍ମାର ଭାଗ୍ୟ

ଲଲାଟେ ହୁଏ ଲିଖିତ ।

ଭୋଗିବାକୁ ହୁଏ କରମର ଫଳ

ଜନ୍ମେ ଜୀବ ପୂର୍ବ କର୍ମେ

ରଚନ୍ତି ବିଧାତା ପ୍ରଥମେ ପ୍ରାରବ୍ଧ

ଶରୀର ତଦନୁକ୍ରମେ ।

କ୍ଷୟ ହୁଏ ନାହିଁ କର୍ମ ଫଳାଫଳ

ରହିଛି ଧର୍ମ ବିଶ୍ୱାସ

ନର ଦେହ ବହି ଜନ୍ମିଲେ ଈଶ୍ୱର

ଭୋଗନ୍ତି ଫଳ ଅବଶ୍ୟ ।

ମୁଠାଇଲେ ନିଆଁ ପୋଡିଯାଏ ହାତ

ତୁରନ୍ତ ହୁଏ ଜ୍ଜ୍ୱଳନ

ଅଟଇ ପ୍ରାରବ୍ଧ ଧୀର ଅବା ତୀବ୍ର

ସବିଶେଷେ ତୀବ୍ରତମ ।

କଲେ ନାମ ଜପ ଶରଧା ବିଶ୍ୱାସେ

ପ୍ରଭୁଙ୍କ ଶରଣାଗତେ

ହୁଏ ଉପଶମ ମିଳଇ ସୁଫଳ

ପ୍ରାରବ୍ଧ ତୀବ୍ରତା କଟେ ।