बोन्साय
बोन्साय
बोन्साय प्रत्येक घरात असतात ,
दोन , तीन ,
नाही तर , एक तरी ,
क्षणाक्षणाला जमेल तेव्हा ,
छाटलेली असतात आत्मविश्वासाची मुळे .
बनवून टाकलेलं असतं ,
कुंडीतल्या मातीसारखं ,
मर्यादित विश्व , छोटं , छोटं आणि अधिकच छोटं !
-करून वाढविलेले असतं , फक्त सौंदर्य !
सौंदर्य ? कसलं ?
बोथट जाणिवांची झापडं लावून दिसणारं
संरक्षणाच्या , संस्कृतीच्या नावाखाली रूजवलेलं
असतं ; ते , केवळ -
एखाद्या आईचं , बहिणीचं , बायकोचं ; किंवा
एखाद्या मुलीचं बोन्साय !