बेफिकीर
बेफिकीर
1 min
259
खिशात नाही दमडी
फिरण्यात दंग आहेत
उपाशी पोरे घरात हे
खेळण्यात दंग आहेत
जगात चाललेल्या
अनैतिक गोष्टीच्या
पेपरमधील बातम्या
वाचण्यात दंग आहेत
लोकांना एकवेळचे
जेवण मिळत नाही
हे क्रिकेटचा खेळ
पाहण्यात दंग आहेत
अन्नासाठी कोणी
चालतो तर कोणी
पोटासाठी सकाळी
चालण्यात दंग आहेत
इथे कुणाला नीट
ऐकूच येत नाही
मोठ्या आवाजात
बोलण्यात दंग आहेत
सीमेवर दुष्मनाच्या
हल्लेत जवान मरतोय
कॉमेडी शो बघत
हसण्यात दंग आहेत
नेहमीच जर तरची
भाषा बोलणारे
नशिबावर दोष देत
रडण्यात दंग आहेत
यांना कशाचे काही
देणे घेणे नाही
बेफिकीर मौजमजा
करण्यात दंग आहेत