हे गायत्री माते
हे गायत्री माते
हे गायत्री माते तुझा, महिमा अपरंपार |
निश्चितच भयमुक्त, तू करशील संसार ||धृ||
अदृश्य या राक्षसाने, कसा मांडीयला खेळ |
कासावीस झाले सर्व, कशी आली आता वेळ ||
भितीने दाही दिशात, कसा माजे हाहाकार |
निश्चितच भयमुक्त, तू करशील संसार ||१||
भितीने येईना कुणी, आता कुणाच्या दारात |
लहान मोठे सगळे, बघा कोंबले घरात ||
अशा कठीण समयी, माते तुझेच आधार |
निश्चितच भयमुक्त, तू करशील संसार ||२||
सुबुध्दी दे मनुष्यास, दोन गजाची रे दुरी |
कोरोनाच्या बचावास, मास्कच आहे जरूरी ||
नियमाने सगळ्यांचे, नक्की होईल उद्धार |
निश्चितच भयमुक्त, तू करशील संसार ||३||