लाइब्रेरी
प्रोफाइल
आज एकल्या वाटतात
आज एकल्या वाटतात
आज एकल्या वाटतात सावल्या या उन्हातल्या
का उगाचच छळतात बाहुल्या त्या मनातल्या
आज कानी घुमतात कथा तुझ्या माझ्यातल्या
का उगाचच गुंततात भावना या मनातल्या
आज सांज एकली ही आठवताच सोबतीला
का उगाचच सलतात आठवणी या मनातल्या
आज ही साथ देतात रात्री आसवे ही पापणिला
का उगाचच जागतात आस्था त्या मनातल्या
आज रात्र ही संपेना वीरहाच्या या क्षणाला
का उगाचच सांगतात व्यथा तुझ्या मनातल्या
आज ही एकल्या त्या वाटेला भेटता मी रात्रिला
का उगाचच आठवतात त्या प्रतिमा मनातल्या
आज रात्र एकांतात वाटे असावे तू सोबतीला
का उगाचच भासतात सावल्या मोठ्या मनातल्या
आज सपेना संपता काळोखी दाटली रात्रिला
का उगा ना राहतात दुरव्यात शंका या मनातल्या
आज मन हे जाणते येणार ना परतुनी तू उद्याला
का उगाचच देतात मोठाल्या आशा त्या मनातल्या
आज एकली जरी निवांतात दुरव्यात या क्षणाला
का उगाचच देतात श्वास आसक्तीस या मनातल्या
