विसरू नको
विसरू नको
उपकार खूप केले अशांना विसरू नको
आयुष्यभर ज्यांनी पोसले त्यांना विसरू नको
नऊ महिने गर्भात ठेवून वाढविले त्या
गरीब माय माऊलीला तू विसरू नको
तुझे टीचभर पोट भरण्यासाठी त्यांनी
सोसले किती कष्ट त्या कष्टाला विसरू नको
शिक्षण घेण्यासाठी ज्यांनी तुझे बोट धरले
शाळेत घेऊन जाणाऱ्या हातास विसरू नको
तुला काय हवे अन काय नको याची
काळजी करणाऱ्यास विसरू नको
शिक्षण झाले पूर्ण नोकरी मिळाली
घास खाताना भाकरीस विसरू नको
लग्नानंतर राजा राणीचा संसार झाला
मुलगा जन्मला बापास विसरू नको
आई वडील कधी भार होत नाहीत
जन्मदात्या माता पित्यास विसरू नको
ज्याने तुला शाळेचा रस्ता दाखविला
त्याला घरात मान द्यायला विसरू नको
संसार म्हटलं की असतातच वादविवाद
त्याचे निराकरण करायला विसरू नको
उपकाराचे फेड याच जन्मी करायचे
आई-वडिलांची सेवा करण्यास विसरू नको
मिळेल तुला जीवनात सुख-शांती समाधान
स्वतःच्या कर्तव्याला कधीच विसरू नको