Quotes New

Audio

Forum

Read

Contests


Write

Sign in
Wohoo!,
Dear user,
વીંઝણો
વીંઝણો
★★★★★

© Zaverchand Meghani

Classics Others

1 Minutes   161    6


Content Ranking

[ઢાળ - વહુવારૂને કોણ મનાવા જાય !]

આકાશે આ વીંઝણલો કોણ વાય !

રજની રે ! તારો સલૂણો શશિયર રાણો વાય,

વીંઝણલામાં તારલિયાળી ભાત.

ધરતીમાં એ વીંઝણલો કોણ વાય !

સરિતાજી ! તારો સાયબો સાયર રાણો વાય,

વીંઝણલામાં માછલિયાળી ભાત.

સરવર પાલે વીંઝણલો કોણ વાય !

કોયલ ! તારો કંથ આંબો રાણો વાય,

વીંઝણલામાં મંજરિયાળી ભાત.

વાડીમાં એ વીંઝણલો કોણ વાય !

ઢેલડ ! તારો વર રે મોરલિયોજી વાય,

વીંઝણલામાં ચાંદલિયાળી ભાત.

પીંજર પેસી વીંઝણલો કોણ વાય !

મેનાજી ! તારો પિયુડો પોપટ રાણો વાય,

વીંઝણલામાં પીંછલિયાળી ભાત.

ગોખે બેસી વીંઝણલો કોણ વાય !

નણદલબાનો વીર વાલોજી મારો વાય,

વીંઝણલામાં રામ સીતાજીની ભાત.

વીંઝણલો રામ-સીતા કાવ્ય

Rate the content


Originality
Flow
Language
Cover design

Comments

Post

Some text some message..