કારણ આપો...

મને પણ ખીલવાનો એક અનેરો અવસર આપો,

મુરઝાઈને જીવવાનો મોકો એક નવતર આપો,

મહેક બનીને રહું વહેતી હવાઓમાં અદ્રશ્ય,

મારી બેજાન ખલીશોને ખુશ્બૂ જેવું જીવતર આપો,

ઉદગમથી અંત સુધી તને જ પામવાની ખેવના,

તારી તલાશ રહે અંતહીન એવી એક સફર આપો,

અભિવ્યક્ત થાવ મુસ્કુરાહટ થઈને હર શાખે,

કરું કોરા રણને લીલાછમ એવા તરુવર આપો,

અકારણ પ્રેમ થઈ જવાનું એકાદ કારણ આપો,

હવે યાદોની ઔષધિ આપી એકાંતનું મારણ આપો,

એક વિશ્વાસનું પ્રસ્ફૂટન થયું રૂદિયાની ધરામાં,

ખુદ ફૂલોની મહેક બની એક હૈયાધારણ આપો,

આ આયખાના "પરમ" સફરમાં ક્યાં છે આખરી મંઝિલ,

ને આ તડપતી "પાગલ" ઝંખનાઓના કારણ આપો!