શું ફેર પડે ?

હોય હકીકત કે કલ્પના શું ફેર પડે ?

વિચાર સારો હોય તો શું ફેર પડે ?

એનાં હોવાનાં પુરાવા હોય કે ના હોય,

માત્ર હોય આભાસ તોય શું ફેર પડે ?

બધું બંધ બેસે તમારા મન મુજબ, 

ન બેસે અગર તો શું ફેર પડે ?

બંધ આંખે જોયાં છે સ્વપ્નો ઘણાં,

બધા ન બને હકીક્ત તોય શું ફેર પડે ?

ઈબાદત કરવી હોય અગર ક્યાં કશું નડે,

ઈશાનો વખત કે અડધી રાત તો શું ફેર પડે ?

ખુદા સામે હાથ ઊઠાવી માંગી લઈએ, 

જગતનાં લોકોથી "નાના"ને શો ફેર પડે ?