ગઝલ- પ્રકાશ

સવાલ હોય તો જવાબો છે,

જવાબ નામે બસ સવાલો છે,

કદીક પાસ બેસ આવીને,

એ બાંકડો છે એ ખયાલો છે,

બધીય વાત એમની સાચી,

વિચિત્ર પ્રેમની કિતાબો છે,

વગાડ ધૂન ભાઈચારાની,

પસંદ એને તો ફસાદો છે,

ગયો વિફળ ખુદાને આ ઈશ્વર,

ને કામિયાબ આ દલાલો છે,

એ શખ્સ જે હતો અરીસામાં,

મને જ કયાં એ ઓળખાયો છે,

હતું સમાન પ્યાજને જીવન,

ઉકેલ નામે ફોતરાંઓ છે,

ખરા હતાં તમે, ખરો હું પણ,

એ ચશ્મદીદ આ રિવાજો છે,

સવાર થઈને આગિયો થાક્યો,

ગઝલમાં રાતભર પ્રકાશ્યો છે.