દરિયામાં તોફાન
દરિયામાં તોફાન
હવાના હલેસે જીવન નાવ રાખું,
સવારી સૂરજની ને અજવાળું આખું !
ગૂંથી ભીતરે ઝંખનાઓની ચાદર,
નયનમાં છતાં કેમ દેખાય ઝાંખું ?
સમયનાં બધાં પંખીઓ સાદ કરતાં,
મને જે મળે છે એ ટહુકાઓ ચાખું !
વળતો પવન છે ને વળતી દિશાઓ,
ચલો આજ દરિયામાં તોફાન નાખું !
ફૂલોના બગીચે બસ તારી જ વાતો,
ઉડાઉડ કરતી ઊગે શબ્દ - પાંખું !
વહીને હું આવી છું નિર્મળ કિનારે,
ભરીને ભીતરમાં હરિ દ્વાર વાખું !