માની મમતા અનોખી રે લોલ.
માની મમતા અનોખી રે લોલ.
પોતે અસહ્ય વેદના સહીને,
સંતાનને જન્મ દેતી,
માની મમતા અનોખી રે લોલ.
પોતે અડધી ભૂખી રહીને,
સંતાનને પેટ ભરીને ખવડાવતી,
માની મમતા અનોખી રે લોલ.
પોતે આખી રાત જાગીને,
સંતાનને હાલરડા સંભળાવતી,
માની મમતા અનોખી રે લોલ.
પોતે અપાર કષ્ટ વેઠીને,
સંતાનની જરૂરિયાતો પૂરી કરતી,
માની મમતા અનોખી રે લોલ.
પોતે સમયનું દાન દઈને,
સંતાનને મૂલ્યના શિક્ષણ આપતી,
માની મમતા અનોખી રે લોલ.
પોતે પ્રેમથી વંચિત રહીને,
સંતાન પર અખૂટ પ્રેમ વરસાવતી,
માની મમતા અનોખી રે લોલ.