મારો ગાંધી

વકીલાતનો મોટો બાદશાહ,              

સત્યાગ્રહની શરૂઆત કરે રે,

દેશ દુનિયાનું ભ્રમણ કરી,

સ્વદેશ તે તો પાછા ફરે રે,

દેશની દારુણ ગરીબી જાણી 

સ્વદેશી વસ્તુને એ અપનાવે રે 

કોટ પેન્ટનો ત્યાગ કરી 

એક નાનકડી પોતડી એ વાળે રે,

દીનદુખિયાના બેલી બનીને,

મનુષ્ય પરમો ધર્મ સમજાવે રે,               

નાત-જાતના ભેદ વગર,

દેશને એક સાંકળે બાંધે રે,

સ્વચ્છતાના પાઠ ભણાવી,

દેહના રોગ સમુળા એ કાઢે રે,

શિક્ષણ કેરુ જ્ઞાન અપાવી,

<

Advertisement

p>અંધશ્રદ્ધાને દૂર ભગાડે રે, 

સમય સાદગીનું પાલન કરી,

અનોખી કેડી કંડારી રે 

વાણી એ જ વર્તન કરી 

નવી વિચારધારા આપે રે,

દાંડીકૂચની યાત્રા કરી,

મીઠાનો કર એ તોડે રે,

અહિંસા દ્વારા આંદોલન કરી,             

અંગ્રેજોને લાકડીએ હંફાવે રે,

ના અસ્ત્રથી ના શસ્ત્રથી,

લડાઈ મોટી એવી લડે રે,

પ્રકૃતિના વિનાશ વિના પણ

અહિંસાથી સ્વતંત્રતા અપાવે રે,

શું વાત કરું આ મહામાનવની 

'હે રામ' શબ્દોથી પ્રાણ છોડે રે 

નથી મળતો મને એ પાછો ગાંધી 

તેની ખોટ ભારતમાતાને સાલે રે.