ઠુંઠવાયેલી લાગણી
ઠુંઠવાયેલી લાગણી
સ્વાર્થી આ દુનિયામાં કોઇ નથી આપણું,
ભેગાં કરી પાના-પૂંઠા ને સુકાયેલી લાગણીનું કરીએ તાપણું,
અહીં ઠોકર ખાધા પછી ક્યાં ફરિયાદ કોઈ સાંભળે,
ખરા ખોટાં છે માપ સહુના, છંદ ક્યાંથી લાવું માપનું,
ઘડા હવે છલકાતા નથી પાપનો ભાર વધ્યા પછી પણ,
બસ, જો આત્મા સાખ પૂરે તો,
સુખ મળી જશે ભાગનું,
ઠુંઠવાયેલી ને રિસાયેલી લાગણી નીરખે છે વાટ,
કદી ભાસતો કકળાટ, શા કાજે આજ મીઠું લાગે બોલવું કાગનું.