આંગણિયામાં
આંગણિયામાં
એક અનોખી ભાત ભરું છું આંગણિયામાં
જીવનને સોગાત કરું છું આંગણિયામાં
રેત, કિનારા અને છીપલા લાગે વસમાં
ખારા જળનાં મોજા ઉછળે રે... નસનસમાં
દરિયા - બરીયા પાર ફરું છું આંગણિયામાં
એક અનોખી ભાત...
આ અજવાળા અને સુગંધો લાગે ઘેલી
ઝાંઝવતો કે આળસને આઘા મેલી
આશ અને વિશ્વાસ ધરું છું આંગણિયામાં
એક અનોખી ભાત...
મીરા માફક મનમાં હું ગિરિધરને રાખું
ટાગોર, ઓશોની વાણીના શબ્દો ચાખું
મારી ઉપર હું જ મરું છું આંગણિયામાં
એક અનોખી ભાત...