પાલવડો

કદમ્બની છાયા કે, કાનુડાનું બાળપણ ના જોઈએ,

મને તો બસ મારી માંનો, પાલવડો જોઈએ,

વ્યથામાં જીવતી ને, સઘળું મનમાં ભંડારતી,

ના કહીને પણ ઘણું સાચવતી, મમતા જોઈએ,

ગોળ વિના મોળો કંસાર, આખી પંગત જમી લેશે,

પણ મા, વિના સૂનો સંસાર તો, ભગવાન પણ તડપે,

હૃદયથીજ બોલતી ને, અમીના ઝરણાં વહાવતી,

કડવું બોલે તોય, કોયલથી મીઠો માંનો લ્હેકો જોઈએ,

ભૂખ્યા પેટે એ ઓડકાર ખાઈને, તરસે જીવે આયખું,

આટલી મોટપ તો મારી, માવડી સિવાય કોઇ ના રાખે !