Exclusive FREE session on RIG VEDA for you, Register now!
Exclusive FREE session on RIG VEDA for you, Register now!

TapaswiniDash Sarangi

Romance


3.9  

TapaswiniDash Sarangi

Romance


ଶାଶ୍ଵତ ପ୍ରେମ

ଶାଶ୍ଵତ ପ୍ରେମ

4 mins 691 4 mins 691

ମନ୍ଦିରର ବେଢାରେ ହଠାତ୍ ନଜର ପଡିଲା ସୁମି ଉପରେ । ବୋଧ ହୁଏ ପ୍ରାୟ ଦଶ ବର୍ଷ ପରେ ସେ ଦେଖିଲା ସୁମିକୁ । ହୃଦୟର ଏକ ନିରାପଦ କୋଣରେ ସେ ସାଇତି ରଖିଛି ତା'ର ଭଲ ପାଇବାକୁ କେବେ ବି ପ୍ରକାଶ କରିନି ନିଜର ମନ କଥା ସୁମି ଆଗରେ । ସେ ଯାଇ ପହଞ୍ଚିଲା ସୁମି ପାଖରେ ।


ହାୟ୍ ସୁମି । କେମିତି ଅଛୁ? କଲେଜ୍ ସରିକି ଏତେ ବର୍ଷ ହୋଇଗଲା ମୁଁ ବି ଦିଲ୍ଲୀ ପଳେଇଲି ଜେ.ଏନ୍.ୟୂରେ ଡକ୍ଟରେଟ୍ କରିବାକୁ । ମଝିରେ କଟକକୁ ଆସିଥିଲି ବୋଉକୁ ପଚାରିଲି ବୋଉ କହିଲା ତୋ ବାପାଙ୍କର ବଦଳି ହୋଇ ଯାଇଛି ଆଉ ତୁମେ ସମ୍ବଲପୁରରେ । ଏମିତି ଅନେକ କଥା ଗୋଟେ ନିଶ୍ଵାସରେ କହି ଚାଲିଥିଲା ଶାଶ୍ଵତ । ହ୍ୟାଲୋ,ହଁ ମୁଁଁ ଭଲ ଅଛି । ବାପାଙ୍କର ଦେହାନ୍ତ ହୋଇଗଲାଣି । ଏବେ ଆମେ ପୁଣି ଏଇ କଟକରେ ରହୁଛୁ ।


ସୁମିର ଏମିତି ଉତ୍ତରରେ ଶାଶ୍ଵତ ଖୁସି ନଥିଲା । ସେ ପୂର୍ବ ସୁମିକୁ ଦେଖିବାକୁ ପାଇଲାନି । ହସକୁରି ଆଉ ମଜାଳିଆ ସ୍ଵଭାବର ଥିଲା ସୁମି । ସେଇ ସ୍ଵଭାବ ସକାଶେ ତ ସେ ସୁମିକୁ ଭଲ ପାଇଥିଲା ଆଉ ମନର ମାନସୀ କରି ରଖିଛି । କିନ୍ତୁ ଦୁଃଖର କଥା ଏ ଯାଏଁ ମନର କଥା ସେ ସୁମିକୁ କହି ପାରିନି । ସୁମି ଶାଶ୍ଵତକୁ ଏକ ଭଲ ସାଙ୍ଗ ଭାବେ । ଦୁଇ ସାଙ୍ଗ କିଛି ଘଣ୍ଟା କଥା ହେଲା ପରେ,ଶାଶ୍ଵତ ସୁମିକୁ କହିଲା ମୁଁ ତତେ ଆଜି ଗୋଟେ କଥା କହିବି ରଖିବୁ ତ ।

ହଁ କହୁନୁ କଣ ହେଲା ସୁମି କହିଲା । ଆଜି ଯାଏଁ ତୋର ସବୁ କଥା ମୁଁ ରଖିଛି । କହ କଣ କହୁଛୁ ।

ଛାତିରେ ସାହସ ବାନ୍ଧି କହିଲା ଶାଶ୍ଵତ- Will you marry me?

I love you very much.ଏତିକି ପାଟିରୁ ସରିଛି କି ନାହିଁ ,ସେ ଦେଖିଲା ସୁମି ଆଖିରେ ଲୁହ, ଯାହା କେବେ ଆଜି ଯାଏଁ ସେ ଦେଖି ନଥିଲା । କଣ ହେଲା ସୁମି ତୁ କାନ୍ଦୁଛୁ ଯେ?


ତୋର ମୁଣ୍ଡ ଖରାପ ହୋଇ ଗଲା କି? ତୁ ମୋତେ ବାହା ହେବାକୁ କହୁଛୁ । ତୁ କଣ ଜାଣିଛୁ ମୋ ବିଷୟରେ?

ମୁଁ ଏବେ ମୁମ୍ବାଇରେ ଏକ ମେଡିସିନ୍ କମ୍ପାନୀରେ ରିସର୍ଚର୍ ଅଛି ଆଉ ଦରମା ବି ଭଲ ପାଉଛି । ଆମେ ଦୁହେଁ ଭଲରେ ଚଳିବା । କହିଲା ଶାଶ୍ଵତ ।

ମୁଁ ତୋ ଯୋଗ୍ୟତାକୁ ସନ୍ଦେହ କରୁନି । ତତେ ମୋ ଠାରୁ ଭଲ ଝିଅ ମିଳିବେ । ତୁ କାଇଁ ମୋତେ ବିବାହ କରିବାକୁ ଚାହୁଁଛୁ?ସୁମି କହିଲା ।

ମୋ ଜୀବନରେ ତୁ ପ୍ରଥମ ଆଉ ଶେଷ ଝିଅ ଯାହାକୁ ମୁଁ ଅନ୍ତର ଦେଇ ଭଲ ପାଉଛି । ହେଲେ ତୋର କଣ ହେଲା ତୁ କାହିଁକି ମନା କରୁଛୁ?ପଚାରିଲା ଶାଶ୍ଵତ ।


ହଉ ଶୁଣ୍ ତାହେଲେ,ମୋର ବିବାହ ଏଇ ଚାରି ପାଞ୍ଚ ବର୍ଷ ତଳେ ହୋଇଥିଲା । ମୁଁ ବହୁତ ଖୁସିରେ ଥିଲି । ସୁଶାନ୍ତ ମାନେ ମୋ ସ୍ଵାମୀ ମତେ ବହୁତ ଭଲ ପାଉଥିଲେ । ଖାଇବାରେ ପିନ୍ଧିବାରେ ଆଉ ଚଳିବାରେ କିଛି ଅସୁବିଧା ନଥିଲା । ଆମର ଖୁସିର ସଂସାରରେ କାହାର ଦୃଷ୍ଟି ପଡିଗଲା କେଜାଣି । ସେ ହୃଦ୍ ରୋଗରେ ପୀଡିତ ହେଲେ ଆଉ ମୋତେ ଲୁଚାଇଲେ କାଳେ ମୁଁ ଭାଙ୍ଗିଯିବି ବୋଲି । ମୁଁ ଯେତେବେଳେ ଜାଣିଲି ସେତେବେଳକୁ ବହୁତ ଡେରି ହେଇ ଯାଇଥିଲା ଆଉ ସେ ଆର ପାରିକୁ ଚାଲି ଗଲେ ମୋତେ ଏକା କରି,ଆଉ ମୋ ଗର୍ଭରେ ଛାଡିଗଲେ ଏକ ସନ୍ତାନ । ଏବେ ମୁଁ ଚାରି ମାସର ଗର୍ଭବତୀ । ଆଉ ସେ ଯାଇକି ଏବେ ଦୁଇ ମାସ ହୋଇଛି । ମୁଁ କୁଆଡେ ଅଲକ୍ଷ୍ମୀ ଆଉ ତାଙ୍କ ପୁଅକୁ ଖାଇଛି କହି ନିର୍ଯ୍ୟାତନା ଦେଲେ ଶାଶୁ ଘର ଲୋକେ । ଏବେ ମୁଁ ବୋଉ ସହିତ ରହୁଛି । ମୁଁ ଗୋଟେ ବିଧବା । କହିକି କାନ୍ଦିଲା ସୁମି । ଏବେ ତୁ କହ ମୋର ଭୂଲ୍ କେଉଁଠି ।


କିଛି ସମୟ ନୀରବ ରହିବା ପରେ ଶାଶ୍ଵତ କହିଲା ଦେଖ୍ ମୁଁ ତୋତେ ଭଲ ପାଏ ନା କି ତୋର ଅତୀତକୁ ନା ତୋ ସହ ଘଟିଥିବା ଘଟଣା ମୋ ଉପରେ ପ୍ରଭାବ ପକାଇବ । ମୁଁ ତୋତେ ବାଧ୍ୟ କରୁନି ମୁଁ ତୋ ଫେରିବା ବାଟକୁ ଚାହିଁ ବସିବି ତୁ ଫେରିବା ଯାଏଁ । ଏତିକି କହି ଶାଶ୍ଵତ ଚାଲିଗଲା ସେଠାରୁ ଆଉ ମୁମ୍ବାଇ ବି ଫେରିଗଲା ।

ତଥାପି ଫୋନ୍ ରେ କଥାବାର୍ତ୍ତା କରୁଥାନ୍ତି ଉଭୟ । ଏମିତି କିଛି ମାସ ଗଲା ପରେ ସୁମିର କୋଳରେ ଆସିଛି ଏକ କୁନି କଣ୍ଢେଇଟିଏ । ଆଉ ଧିରେ ଧିରେ ସୁମିର ମନ ପରିବର୍ତ୍ତନ ହୋଇଛି ଆଉ ଝିଅର ଭବିଷ୍ୟତ ପାଇଁ ଚିନ୍ତା କରି ଶାଶ୍ଵତକୁ ଫୋନ୍ କଲା ଦିନେ । କହିଲା ଶାଶ୍ଵତ ମୁଁ ତୋ କଥାରେ ରାଜି । ଶାଶ୍ଵତର ଖୁସିର ସୀମା ରହିଲା ନାହିଁ । ହାତରେ ଜହ୍ନ ତୋଳିଲା ପରି ଲାଗିଲା ଆଉ ତାପର ଦିନ ସେ ଆସି ପହଞ୍ଚିଲା କଟକରେ ଆଉ ସୁମି ଘରକୁ ଆସିଲା ତା ବାପା ମା'ଙ୍କୁ ଧରି । ଯେହେତୁ ତା ବାପା ଆଉ ମା ଉଚ୍ଚ ଶିକ୍ଷିତ ତେଣୁ ଅସୁବିଧା ହେଲାନି ମନେଇବାକୁ । ସୁମିର ମା ବି ଖୁସିରେ ରାଜି ହୋଇଗଲେ ଓ ନିରାଡ଼ମ୍ବରରେ ବିବାହ କରିଥିଲେ ହେଲା ମନ୍ଦିରରେ ।

ବିବାହର ପ୍ରଥମ ରାତିରେ ସେ କଥା ଦେଲା ସୁମିକୁ ମୁଁ ଦୁନିଆର ସବୁ ସୁଖ ତୋ ପାଦ ତଳେ ରଖିବାକୁ ଚେଷ୍ଟା କରିବି । ଆଉ କୁନି ଝିଅଟି ତୋର ନୁହଁ ଆମର ଝିଅ ସେ ମୋ ନାଁ ରେ ଏ ଦୁନିଆରେ ପରିଚୟ ପାଇବ । ଆଉ ଯେଉଁ ଯାଏଁ ତୁ ତୋର ଅତୀତକୁ ଭୂଲି ମୋତେ ଅନୁମତି ନ ଦେଇଛୁ ତତେ ଛୁଇଁବାକୁ ସେ ଯାଏଁ ମୁଁ ତୋତେ ସ୍ତ୍ରର୍ଶ କରିବିନି । ମୋ ପ୍ରେମରେ ଛଳନା ନାହିଁ । ମୁଁ ତୋ ଦେହକୁ ନୁହେଁ ତୋ ହୃଦୟ ଆଉ ତୋ ମନକୁ ଭଲ ପାଏ । ମୋ ପ୍ରେମ ଶାଶ୍ଵତ ଓ ଚିରନ୍ତନ ।



Rate this content
Log in

More oriya story from TapaswiniDash Sarangi

Similar oriya story from Romance