ରାଣ ଅଛି

 

ଶ୍ଵାସରୁଦ୍ଧ ହେଇ ବସ୍ ଧରିବାକୁ 

 ଧାଉଁ ଥିବା ମୁହୂର୍ତ୍ତରେ ତୁମେ ଯେବେ 

  ବର୍ଷାର ତାଗିଦ କରି ଛତା ଧରେଇ ଦିଅ

   ମୋ ବଢ଼ିଲା ପାଦକୁ ଟିକେ ଅଟକେଇ

 

ରାଣ ଅଛି 

 ପ୍ରେମରେ ପଡେ 

     ପୁଣି ଥରେ

ବଢୁଥିବା ରକ୍ତଚାପର ଷଡ଼ଯନ୍ତ୍ର

  ଆଉ ବାକି ଥିବା ଆୟୁଷର ଗଣିତ

   ଠିକ ବୁଝି ମେଡ଼ିସିନ ସଜେଇ ରଖ

     ରାତି ଖାଇବା ଟେବୁଲ ଉପରେ 

ରାଣ ଅଛି 

 ପ୍ରେମରେ ପଡେ 

     ପୁଣି ଥରେ

ମଧୁମେହର ଶିକୁଳିରେ ଅସ୍ତବ୍ୟସ୍ତ ଏଇ

 ମୋ ଅସଜଡ଼ା , ଅବହେଳିତ ଜୀବନରେ

  ଯଦି କେବେ ଚିନି କମି ଯାଏ ରକ୍ତରେ

  ତୁମେ ଗ୍ଲୁକୋଜ ଗ୍ଲାସ ବଢେଇଲା ବେଳେ

ରାଣ ଅଛି 

 ପ୍ରେମରେ ପଡେ 

     ପୁଣି ଥରେ

ବୁଝି ମୋର ମନ କଥା ସେ ନିଧି ସାହୁ 

 ରାସାବଳୀ ଆଣି ଦିଅ ଏବେବି 

  ଡାକ୍ତରର ହଜାରେ ବାରଣ ସତ୍ୱେ 

  କହି ' କିଛି ହେବନି ମଁ ଏଇ ଟିକେରେ '

 ରାଣ ଅଛି 

 ପ୍ରେମରେ ପଡେ 

     ପୁଣି ଥରେ

ସେ ଶୀତୁଆ ରାତିର ପ୍ରକୋପରେ 

 ମୋ ବେପରୁଆ ଦେହରେ ଖୁବ୍ ଆଶ୍ଲେଷରେ

 ଯେବେ ଘୋଡେଇ ଦିଅ ଚାଦର ଟିକେ 

   ନିଦ ଭାଙ୍ଗି ନିଜର ଅଧ ରାତିରେ 

ରାଣ ଅଛି 

 ପ୍ରେମରେ ପଡେ 

     ପୁଣି ଥରେ

ଧୁ ଧୁ ଖରାରେ ଛାଇ ହେଇପାର ତୁମେ

 ଢୁ ଢୁ ବର୍ଷାରେ ଛତା ହେଇପାର ତୁମେ

 ସୁ ସୁ ଝଡ଼ରେ ଦମ୍ଭ ହେଇପାର ତୁମେ

 ଭୋ ଭୋ କାନ୍ଦରେ କାନ୍ଧ ହେଇପାର ତୁମେ

ତଥାପି ରାଣ ଅଛି 

ପ୍ରେମ ପାଇଁ ଆୟୁଷ କମ୍ ଲାଗେ ସବୁବେଳେ

ରାଣ ଅଛି ଆୟୁଷ କମ୍ ଲାଗେ ସବୁବେଳେ