Exclusive FREE session on RIG VEDA for you, Register now!
Exclusive FREE session on RIG VEDA for you, Register now!

Anil kumar Pradhan

Romance


4.6  

Anil kumar Pradhan

Romance


"ପାଚିଲା ପ୍ରେମ "

"ପାଚିଲା ପ୍ରେମ "

3 mins 351 3 mins 351

ପୃଥିବୀର କୌଣସି କୋଣ ଅନୁକୋଣରେ ଥିବା ଦୁଇଟି ଗ୍ରାମରେ ଦୁଇଜଣ ନିଜ ପରିବାର ସହ ରହୁଥିଲେ । ଦୁଇଜଣଙ୍କ ଗ୍ରାମ ପାଖାପାଖି ହୋଇଥିଲେ ମଧ୍ୟ କେହି କାହାକୁ କେବେ ମଧ୍ୟ ଦେଖି ନଥିଲେ । ହଠାତ ,ଦୁଇଜଣଙ୍କ ଭେଟ ହୋଇଥିଲା ମହାବିଧ୍ୟାଳୟରେ ଶିକ୍ଷା ଅଧ୍ୟୟନ ବେଳେ । ଜଣେ ଗୋଟିଏ ଚାଉଳରେ ଗଢ଼ା ସୁନ୍ଦରୀ କିଶୋରୀ ବାଳିକା ଓ ଆଉ ଜଣେ ଶ୍ୟାମଳ ବାଳକ ଥିଲେ । ପ୍ରଥମେ ପ୍ରଥମେ ବାଳକ ବାଳିକାକୁ ପସନ୍ଦ କରିବସିଥିଲା । ମାତ୍ର ପାଠ୍ୟ ଖସଡ଼ା ଦେଖି ସେ ଭୟ ମଧ୍ୟ କରୁଥିଲ । କାରଣ ଏଇ ପ୍ରେମ ନିଶାରେ ପଡି ବହୁତ ପୁଅ -ଝିଅ ପାଠପଢ଼ା ଖରାପ କରିବା କଥା ବାଳକ ଆଗରୁ ଶୁଣିଥିଲା । ବାଳିକା ଭଲ ପାଉଥିଲାକି ନାହିଁ ସେ ସମୟ ଯାଏ ଜଣା ନଥିଲା । ତଥାପି ବାଳକଟି ଦୃଢ଼ ବିଶ୍ୱାସର ସହ ଝିଅଟିକୁ ସାଙ୍ଗସାଥୀ ନଜାଣିଲା ପରି ମନେ ମନେ ଭଲ ପାଉଥିଲା ।


ଏମିତି ହୋଇ ହୋଇ ...ପାଞ୍ଚଟି ସେମିସ୍ଟେର ସରିଯାଇଥିଲା । ଷଷ୍ଠ ସେମିସ୍ଟେର ପାଖସମୟ ବେଳକୁ ହଠାତ ବାଳକ ଜଣକ whatsup ରେ ଅଜଣା ବ୍ୟକ୍ତିତ୍ୱ ପାଖକୁ ବାର୍ତ୍ତା ଲେଖିଲା .."ଜୟ ଜଗନ୍ନାଥ " । ହେଲେ ବିଡମ୍ବନା ବାର୍ତ୍ତାଟି ଯାଇଥିଲା ସେହି ବାଳିକା ପାଖକୁ ।

କାରଣ ସେହି ବାଳକର ବନ୍ଧୁର ବାନ୍ଧବୀ ଥିଲା ସେହି ବାଳିକା । କୌଣସି କାରଣ ବଶତଃ ବାଳକର ବନ୍ଧୁ ଜଣକ ଭ୍ରାମ୍ୟମାଣ ଯନ୍ତ୍ରରୁ ଯୋଗାଯୋଗ କରିଥିଲେ ସେହି ବାଳିକା ସହ । ଭାଗ୍ୟର ଖେଳ ତାଳଗଛକୁ ଯିବାକୁ ତାଳପଡିବ । କଥା ହେଲା । ସେହି ଜୟ ଜଗନ୍ନାଥ ...ଶବ୍ଦରୁ ବାଳକ ବାଳିକା ର କଥପୋକଥନର ଅଙ୍କୁରୋଦଗମ ହୋଇଥିଲା ।


ଦିନକୁ ଦିନ ଏମିତି ଦୁହିଁଙ୍କ ମଧ୍ୟରେ କଥା ବଢ଼ି ଚାଲିଲା । ମାତ୍ର କେହି କାହାକୁ ଭଲ ପାଉଛନ୍ତି ବୋଲି କହୁନଥିଲେ । ଦୁଇଜଣଙ୍କ କଥା ବାର୍ତ୍ତା ପରେ ଜାଣିପାରିଲେ ଯେ ଦୁଇଜଣଙ୍କ ଗ୍ରାମ ପାଖାପାଖି । ଶ୍ରେଣୀଗୃହରେ ବାଳକଟି ବାଳିକାକୁ କେହି ନଜାଣିଲା ପରି ଦେଖେ ଆଉ ସେହି ସମୟରେ ବାଳିକାଟି ମଧ୍ୟ ନଜାଣିଲା ପରି ମୁଁହ ତଳକୁ କରିଦିଏ । ଏମିତି ବାଳିକାଟି ମଧ୍ୟ ଦେଖୁଥାଏ ବୋଧେ ନଚେତ ବାଳକଟି ଦେଖୁଥିଲା ବେଳେ ସେ ମୁଁହ ତଳକୁ କରେ କାହିଁକି .....I


ଏମିତି କିଛି ଦିନଗଲା ପରେ ହଠାତ ରାତି ଅଧାରେ ଭ୍ରାମ୍ୟମାଣ ଯନ୍ତ୍ରରେ କଲ୍ ଆସିଥିଲା ବାଳିକା ପାଖରୁ ବାଳକ ପାଖକୁ । କଥାରୁ ଜଣାଗଲା ......ମହାବିଦ୍ୟାଳୟର project କଥା ।

ତା'ପରେ ବାଳକଟି ଭ୍ରାମ୍ୟମାଣ ଯନ୍ତ୍ର ବନ୍ଦ କରି ସୋଇଯାଇଥିଲା । ଏମିତି ଦୁଇଜଣଙ୍କ ଭିତରେ କଥା ବାର୍ତ୍ତା ଚାଲିଥାଏ । କିଛିଦିନ ପରେ ବାଲିକାଟିର whatsup ରୁ ବାର୍ତ୍ତା ଆସିଲା ଇଂରାଜୀରେ । କଥା କଥା ରେ ବାଳକର ସବୁକିଛି ତଥ୍ୟ ସଠିକ କହିଯାଉଥିଲା ବାର୍ତ୍ତା ପ୍ରେରକ । ଶେଷରେ ବାଳକର ନାମ ମଧ୍ୟ କହିଲା । ବାଳକଟି ଆଶ୍ଚର୍ଯ୍ୟ ହୋଇଗଲା । କାରଣ ବାଳକଟି ଜାଣିନଥିଲା ଯେ ତା'ର ବାଲ୍ୟବାନ୍ଧବୀ ଜଣେ ସେହି ବାଳିକା ର ସାଙ୍ଗ ଥିଲା । ସେ ସବୁ ଜାଣିବନି ଅବା କେମିତି ?


ଯେତେବେଳେ ତା ସହ ବାଳକଟି ଥଟା ,ମଜା ,ଗୁଲି ,ଗପ ସପ ସବୁ କରୁଥିଲା । ଏମିତି କିଛି ଦିନ ବିତିଯିବା ପରେ ଶେଷ ସେମିସ୍ଟେର ମଧ୍ୟ ସରିଗଲା । ସମସ୍ତେ ନିଜ ନିଜ ଘରକୁ ଫେରିଯାଇଥିଲେ ମାତ୍ର ବାଳିକାଟି ଏକୁଟିଆ ରହିଯାଇଥିଲା । ସେଦିନରାତିରେ ବାଳକ ବାଳିକା ବହୁତ କଥା ହୋଇଥିଲେ । ଏମିତିକି କଥାରେ କଥାରେ ..

ବାଳିକା -ବିଦ୍ୟୁତ କଟିଗଲା ହେ ...ଭାରି ଡର ମାଡୁଛି

ବାଳକ -ଆସିବିକି ...

ବାଳିକା -ହଁ ....ହଁ ..ତମେ ଆସୁଛ

ବାଳକ -ଆଉ କହୁନ ...ଦେଖିବ ଏଇ ତମ ଫାଟକ ପାଖରେ ଦେଖୁନ

ବାଳିକା -ଆଉ କୁହନି ...ତମେ ବିଦ୍ୟୁତ ଆସିଲା

ବାଳକ -ହେ ଜାଣିଛ ମୁଁ ଏତିକି ସମୟ କାହା ସହ କେବେ କଥା ହୋଇନି

ବାଳିକା -ସତକି ?

ବାଳକ -ବୋଧେ ଏଇଟା ମୋର ପ୍ରଥମ ଅଧିକ ସମୟ କଥା ହେବା ପୁଣି ଏକ ଝିଅ ସହ

ବାଳିକା -ହଁ ..ମୁଁ ତ କାଲିକି ଯିବି

ବାଳକ -ହଉ ଯାଅ ....ଆମକୁ ଆଉ କିଏ ମନେ ରଖିବ ନାଇକି

ବାଳିକା -ସେମିତି ନାଇହୋ

ବାଳକ -ହଉ ଦେଖିବା


ଏମିତି ଆଉ କିଛି କଥା ବାର୍ତ୍ତା ହୋଇ ସେଦିନ ରାତି କଟିଯାଇଥିଲା । ତା ପରଦିନ ଝିଅକୁ ଦେଖା କରିବାକୁ ପୁଅଟି ଯାଇଥିଲା । ମାତ୍ର ଝିଅଟି କୁଆଡେ ତା ଭାଇ ସହ ତିନିଚକିଆ ଯାନରେ ଚାଲିଯାଇଥିଲା ବୋଲି ପୁଅକୁ ca । । କରିଥିଲା । ପୁଅଟି ସେଦିନ ମନ ଦୁଃଖରେ ନିଜ ବନ୍ଧୁ ଘରକୁ ବୁଲିଯାଇ ଫେରିଆସିଥିଲା ।

ଏମିତି ପୁଅ ଝିଅ ର ଆଗପରି ପୁନଶ୍ଚ କଥା ବାର୍ତ୍ତା ଚାଲୁଥାଏ । ପୁଅଟି ମଜାରେ ମଜାରେ ଝିଅକୁ "ଆଳୁ"ବୋଲି କହିଲେ ଝିଅ ପୁଅକୁ ତମନାମ କଣ ବାଇଗଣ କି ବୋଲି କହୁଥିଲା । ମାତ୍ର ଝିଅକୁ ଆଳୁ କହିଲେ ସେ ଚିଡିଯାଇ ପୁଅ ସହ କଥା ହେଉନଥିଲା । ପୁନଶ୍ଚ ପୁଅ ଝିଅକୁ ମଜାରେ ମ କହିଲେ ....କଥା ହେଉଥିଲା । ମାତ୍ର ପୁଅଟି ଟିକିଏ ଅବୁଝା ଥିଲା । ସେ କଥାରେ କଥାରେ ଝିଅକୁ ଆଳୁ ବୋଲି ଡାକିଦେଉଥିଲା । ଭାଗ୍ୟ ଭଲ ଝିଅଟି ଆଗଭଳି ପୁଅ ଉପରେ ରାଗୁନଥିଲା ।


ଏତିକି ପରେ ମଧ୍ୟ ପୁଅ ଝିଅ କେହିକାହାକୁ ଭଲ ପାଆନ୍ତି ବୋଲି କହି ନଥିଲେ । ମାତ୍ର ଏମିତି ଦୁଇଜଣଙ୍କ ଭିତରେ ଭଲପାଇବା ବଢ଼ି ଚାଲିଥିଲା । ପୁଅ ଝିଅ କେବେ ବି ପାଖା ପାଖି କଥା ବାର୍ତ୍ତା ହୋଇନାଁହାନ୍ତି ସତ ମାତ୍ର ଉଭୟେ ଉଭୟକୁ ନିଜ ଭଲ ମନ୍ଦ ଖୁବ କୁହୁଥିଲେ । ବାସ୍ତବରେ କେହି କାହାକୁ ଭଲ ପାଉଛନ୍ତି ବୋଲି ନକହି ମଧ୍ୟ ଏମାନଙ୍କ ଭିତରେ ଥିଲା ଅପୂର୍ବ ପ୍ରେମ , ସ୍ବର୍ଗୀୟ ଭଲ ପାଇବା । ସତରେ "ଆଳୁ "ଆଉ "ବାଇଗଣ"ଉଭୟଙ୍କ ପ୍ରେମ ଥିଲା ପାଚିଲା ପ୍ରେମ ।


Rate this content
Log in

More oriya story from Anil kumar Pradhan

Similar oriya story from Romance