Click Here. Romance Combo up for Grabs to Read while it Rains!
Click Here. Romance Combo up for Grabs to Read while it Rains!

Shanti Mishra

Abstract Inspirational


3.8  

Shanti Mishra

Abstract Inspirational


ଲିଭିଲା ଦିନର ଅଭୂଲା କଥା

ଲିଭିଲା ଦିନର ଅଭୂଲା କଥା

3 mins 210 3 mins 210


“ଜିନା” ଆଜି ସକାଳୁ ଶୀଘ୍ର ଉଠି ପଡିଛି l ଆଜି ଭାଲେଣ୍ଟାଇନ ଡେ l ପୁଣି ରବିବାର l ପୁଣି “ଗ୍ରାନୀ”ଙ୍କ ଘରକୁ ଯିବାର ପ୍ଲାନ ଅଛି l ତାର ସେଇଟା ହିଁ ବଡ ଆକର୍ଷଣ ଆଜିର l କାଲିଠୁ ଧଳା ଚକୋଲେଟ ବାକ୍ସ ଓ ଗୋଲାପର ଏକ ବଡ ତୋଡା ଆଜି ପାଇଁ ବରାଦ ଦେଇ ଆସିଛି ଷ୍ଟୋରରେ l “ମିତା” ରବିବାରରେ ଟିକେ ଡେରିରେ ଉଠନ୍ତି କିନ୍ତୁ ଜିନା ଆଜି ଶୁଆଇ ଦେଲାନି l ଆଈଙ୍କ ପାଖକୁ ଯିବ l ମମୀଙ୍କ ସହିତ ପ୍ରାୟ ମାସେ ହେଲା ଦେଖା ହୋଇନି ମିତାଙ୍କର l ନା ମମି ଆସିଛନ୍ତି ତାଙ୍କୁ ଦେଖା କରିବାକୁ ନା ସେ ଯାଇ ପାରିଛନ୍ତି ଅଫିସ କାମରେ ବ୍ୟସ୍ତ ରହି l

ମିତାଙ୍କ ପାଖରେ ଏତେ ସମୟ ନଥାଏ ମମିଙ୍କ ପାଖକୁ ଯିବାକୁ ତେଣୁ ମମି ମଝିରେ ମଝିରେ ଆସି ସପ୍ତାହେ କେବେ ଦି ସପ୍ତାହେ ତାଙ୍କ ପାଖରେ ରହିକି ଯାଆନ୍ତି l କିନ୍ତୁ ମାସେ ପ୍ରାୟ ହେବ ଆସି ନାହାଁନ୍ତି l ଗୋଡ ଟିକେ ମକଚି ହୋଇ ଯାଇ ବଥା କରୁଥିଲା ତାଙ୍କର l ଚାଲିବାରେ ଅସୁବିଧା ହେଉଥିବାରୁ ଆସି ପାରୁନଥିଲେ l ତେଣୁ ମିତା ଆଜି ଜିନାକୁ ନେଇ ମମିଙ୍କୁ ଦେଖା କରିବାକୁ ମନସ୍ଥ କରି ଯିବାର ସବୁ ଆୟୋଜନ କାଲିଠୁ କରି ରଖିଥିଲେ l

ମମି ଆଜି ପୁଣି ଥରେ “ଜିନା”କୁ ତାଙ୍କର ସେଇ ପିଲାବେଳର କଥା ଶୁଣେଇ ଚାଲିଛନ୍ତି l ଜିନା ପରି ଆଗ୍ରହୀ ଶ୍ରୋତା ବି ତାଙ୍କୁ କେବେ ମିଳେନି l ତାପରେ କଣ ହେଲା ଗ୍ରାଣ୍ଡ ମା କୁହନା l ମମିଙ୍କୁ ଟିକେ ଚୁପ ହୋଇଯିବାର ଦେଖିଲେ ଛଅ ବର୍ଷର ଜିନାର ପାଟି ଆପେ ଆପେ ଖୋଲି ଯାଏ l ପ୍ରଶ୍ନ ପରେ ପ୍ରଶ୍ନ ପଚାରି ଅଥୟ କରି ପକାଏ l ତାକୁ ଏ କାହାଣୀରୁ କଣ ମିଳେ କେଜାଣି l ସନ୍ଧ୍ୟା ପରେ ଶୀଘ୍ର ତା ହୋମୱର୍କ ସାରିଦେଇ ଯାଇ ମମିଙ୍କ ରୁମରେ ହାଜର ହେଇଯାଏ l ଡିନର ପ୍ଳେଟ ଟା ହାତରେ ନେଇ ଯାଇଥାଏ l ତାକୁ ମମି ଖୁଆଇ ଦିଅନ୍ତି ଗପ କହିବା ସହିତ l ତେଣୁ ମମି ଯେତେବେଳେ ଘରକୁ ଆସନ୍ତି ମିତାଙ୍କର ମଜା l ଜିନା କଥା ତାଙ୍କୁ ଭାବିବାକୁ ପଡେନି l

ସବୁବେଳେ ସର୍ତ୍ତ ଥାଏ ହୋମୱାର୍କ ନସରିଥିଲେ ଗପ ଶୁଣିବାକୁ ମିଳିବନି l ଗପ ଲୋଭରେ ଜିନା ହୋମୱାର୍କ ସବୁ ସାରିଦିଏ l ଗୋଟେ ଦୃଷ୍ଟିରୁ ଭଲ ଲାଗେ ମିତାଙ୍କୁ l ଜିନା ପଛରେ ବେଶୀ ଲାଗିବାକୁ ପଡେନି ପାଠ ପଢାକୁ ନେଇ l ମିତା ବି ତାଙ୍କ ପିଲାବେଳେ ଏ ଗପ ସବୁ ମମୀଙ୍କ ଠାରୁ ଅନେକ ଥର ଶୁଣିଛନ୍ତି l ମମି ତାଙ୍କ ପିଲା ବେଳ ସମୟକୁ ଭୁଲି ନାହାଁନ୍ତି ଏଯାଏ l

ପିଲାବେଳେ କିପରି ଗାଁ ପୋଖରୀରୁ ସାଙ୍ଗ ମାନଙ୍କ ସହିତ ମିଶି କଇଁ ଫୁଲ ତୋଳି ସେଥିରେ କଇଁ ନାଡକୁ ଭାଙ୍ଗି ଭାଙ୍ଗି ମାଳା କରି ସରସ୍ଵତୀଙ୍କୁ ସଜଉଥିଲେ l ଆମ୍ବ ପତ୍ରରେ ତୋରଣ କରି ସ୍କୁଲ ସାରା ସଜୋଉଥିଲେ l ପର୍ବ ପର୍ବାଣି ଆସିଲେ ସେମାନଙ୍କୁ ରାତିରେ ନିଦ ନଥାଏ l ରଜ କୁମାରପୂର୍ଣ୍ଣିମା ଆସିଲେ ସେମାନଙ୍କ ମଜା ଖୁସି ଦେଖେ କିଏ ! ରଜରେ ତିନିଦିନ ଦୋଳି ଝୁଲା, ସାଙ୍ଗ ମାନଙ୍କ ସହିତ, ନୂଆ ଲୁଗା ପିନ୍ଧା, ଘରର ସ୍ତ୍ରୀ ଲୋକ ମାନଙ୍କ ଦ୍ଵାରା ତିଆରି ହୋଇଥିବା ପିଠା ପଣାକୁ ଆନନ୍ଦରେ ଖାଇବା l ସବୁ ମମିଙ୍କର ମନେ ଅଛି l

ସବୁଠୁ ମମିଙ୍କର ପ୍ରିୟ ପର୍ବ ହେଲା କୁମାରପୂର୍ଣ୍ଣିମା l ରାତିସାରା ସାଙ୍ଗ ମାନଙ୍କ ସହିତ ଗପସପ, ନାଚ ଗୀତରେ ବିତେଇବା l ଜହ୍ନ ଆଲୁଅରେ ଲୁଚୁକାଳି, ପୁଚି ଖେଳିବା l ନୂଆଲୁଗା, ନୂଆ ଚୁଡି ଗହଣା ପିନ୍ଧି ସାଙ୍ଗ ମାନଙ୍କୁ ଦେଖେଇବା l ଅନେକ ପ୍ରକାର ପିଠାପଣା ସାଙ୍ଗକୁ ବିଭିନ୍ନ ପ୍ରକାର ମିଠା ଖାଇ ସାଙ୍ଗ ମାନଙ୍କ ଘରକୁ ବୁଲି ଯିବା l ସେଦିନ ଗୁରୁଜନ ମାନେ କାହାକୁ ଆକଟ କରନ୍ତିନି l ଅନ୍ୟ ଦିନରେ ବାହାରକୁ କୁଆଡେ ଟିକେ ଗଲେ ହଜାର ପ୍ରଶ୍ନ l ବିଶେଷତଃ ଝିଅ ମାନଙ୍କ ପାଇଁ ସବୁ କଟକଣା ଥାଏ ସେତେବେଳେ, କିନ୍ତୁ କୁମାରପୂର୍ଣ୍ଣିମା ଦିନ ନୁହେଁ l ସେଇଥି ପାଇଁ ହୁଏତ ପର୍ବ ପାଳନ ସାଙ୍ଗକୁ ସ୍ଵାଧୀନତା ହୁଏତ ମନରେ ବେଶୀ ଆନନ୍ଦ ଆଣି ଦେଇଥାଏ ଝିଅ ମାନଙ୍କୁ ସେଦିନ l

ମମି ଚାଳିଶ ବର୍ଷ ତଳେ ସେ ତାଙ୍କ ଗାଁ ଦେଶ ଛାଡି ଏ ଦେଶ ଆମେରିକାକୁ ଚାଲି ଆସିଥିଲେ ବାପାଙ୍କୁ ବିବାହ କରି ସାରିବା ପରେ l ତା ପରେ ବିଶେଷ ଆଉ ଯାଇ ନାହାଁନ୍ତି l ଚାରି କି ପାଞ୍ଚ ଥର ବୋଧେ ଯାଇଥିବେ କି କଣ l ତାଙ୍କ ବାପ ମା ଚାଲିଗଲା ପରେ ସେ ଆଉ କେବେ ଯାଇ ନଥିଲେ l ପାଞ୍ଚ ବର୍ଷ ତଳେ “ବିକାଶ” ମିତାଙ୍କ ସାନ ଭାଈ ଆଉ “ଗୌତମ” ତାଙ୍କ ସ୍ଵାମୀଙ୍କ ସହାୟତାରେ ସମସ୍ତେ ମିଶି ଯାଇଥିଲେ ଓଡ଼ିଶା ବୁଲିବାକୁ l

ମମି କିନ୍ତୁ ଆଶ୍ଚର୍ଯ୍ୟ ହୋଇଯାଇଥିଲେ ସବୁ ଦେଖି l ଗାଁ ଏବେ ଛୋଟିଆ ସହର ଟିଏ ପାଲଟି ଯାଇଛି l ଆଉ ଏବେ କେହି କୁମାର ପୂର୍ଣ୍ଣିମା ସରସ୍ଵତୀ ପୂଜା କି ଗଣେଶ ପୂଜା ଧୂମ୍ ଧାମରେ ପାଳନ କରୁ ନାହାଁନ୍ତି l ଏବେ ତ ମଦର୍ଶ ଡେ, ଫାଦର୍ଶ ଡ଼େ, ଭାଲେଣ୍ଟାଇନ ଡ଼େ, ଖ୍ରୀଷ୍ଟମାସ ଡ଼େ, ନିଉଇୟରସ୍ ଡ଼େ ବଡ ଜୋରସୋରରେ ପାଳନ କରାହେଉଛି l ଆଜିର ଏ ସବୁ ଭିଡ ଭିତରେ ତାଙ୍କ ପିଲା ବେଳର ପୂଜା ପର୍ବର ସ୍ମୃତି ସବୁ କୁଆଡେ ହଜି ଯାଇଛି l ଆଜି କାଲିର ପିଲା ମାନଙ୍କୁ ପଚାରିଲେ କେହି ଏହାର ସଠିକ ଉତ୍ତର ଦେଇ ପାରୁ ନାହାଁନ୍ତି l

କିନ୍ତୁ ମମିଙ୍କର ପୁରା ବିଶ୍ଵାସ ଏ ସବୁ ପୁଣି ଥରେ ଧୀରେ ଧୀରେ ଫେରି ଆସିବ ସମାଜ ଭିତରକୁ l ତେଣୁ ସେ ତାଙ୍କର ସ୍ମୃତିକୁ ତାଜା ରଖିବା ପାଇଁ ଏସବୁ କାହାଣୀ ନିଜ ପିଲା ମାନଙ୍କୁ ଶୁଣୋଉଥିଲେ ଏବେ ନାତି ନାତୁଣୀ ମାନଙ୍କୁ ଶୁଣୋଉଛନ୍ତି l


Rate this content
Log in

More oriya story from Shanti Mishra

Similar oriya story from Abstract