ଭିନ୍ନ ଶରୀର ଅଭିନ୍ନ ମନ

"ଦିଦି.. ଦିଦି... ଦେଖିବୁ ଆସେ ....ଆରେ ,ତୁ ଆସେ ଆଗ...

କାହିଁକି ଚିଲୋଉଛୁ ? କଣ ହେଇଛି?

ଦିଦି ତୁ ପରେ ରୋଷେଇ କରିବୁ । ଆଗ ଦେଖୁବୁ ଆସେ । ସେ ସାଗର ଭାଇ..."

(ସୀମା ଦୌଡି ଆସି ଟି.ଭି ସମୁଖରେ ଠିଆ ହେଲା । ଆଶ୍ଚର୍ଯ୍ଯ ହେଇ ଅନେଇ ରହିଲା । ସେ ଖୁସି ହବ ନା ଦୁଃଖ କରିବ ବୁଝିପାରୁ ନ ଥିଲା । )

ଦିଦି ତୁ ଏଥର କଣ କରୁବୁ ! ତୋତେ ୟାକୁ ବାହା ହେବାକୁ ପଡିବ । ସେ ସର୍ତ୍ତ ପୂରଣ କରିଛି । 

ତୁ ଚୁପ୍ କର !

ଅନେକ ଅସମାହିତ ପ୍ରଶ୍ନ ସବୁ ସୀମା ମନରେ ଉଠିବାକୁ ଲାଗିଲା । ତା ଖିଆଲି କଥାଟା ସାଗରକୁ ବହୁତ ବାଧି ଯିବ , ସେ କେବେ ଭାବିନଥିଲା । ଆଉ ଅସମ୍ଭବ ସର୍ତ୍ତକୁ ସତ କରିଦବ । ହେ ! ମୁଁ ବି କଣ ସବୁ ଭାବୁଛି । ସାଗର ମୋତେ ମନେ ରଖିଥିବ । 

ସାଗର ଟି.ଭି ପରଦାରେ ନିଜ ସଫଳତାର କାହାଣୀ କହୁଥାଏ । କେମିତି ସେ ଭାରତୀୟ ପ୍ରସାଶନିକ ସେବା ପାଇଁ ପ୍ରସ୍ତୁତ କଲା । ପ୍ରଥମ ପ୍ରୟାସରେ କିପରି ସଫଳ ହେଲା । କାଲିର ଅପରିଚିତ ଚେହରାଟା ଆଜି ସମସ୍ତ ପାଇଁ ଏକ ବ୍ଯକ୍ତିତ୍ବ ହେଇ ଠିଆ ହେଇଛି । ସବୁ ଆଡୁ ଶୁଭେଚ୍ଚ୍ଥାର ବର୍ତ୍ତା ସାଗରକୁ ମିଳୁଥିଲା । ଜଣେ ବହି ଦୋକାନୀର ପୁଅ ଏତେ ବଡ ପରୀକ୍ଷାରେ ପାସ୍ କରିଛି ପୁଣି ବିନା କୌଣସି କୋଚିଂ ରେ । ଏହା କଣ କମ୍ ଗୌରବର କଥା । 

ଦିଦି, ତୁ ବର୍ତ୍ତମାନ କଣ ଉତ୍ତର ଦବୁ ସାଗର ଭାଇକୁ ।

ତୁ ଚୁପ୍ କର! ବେଶୀ ହଉଛୁ । ଶୁଣୁ, ବର୍ତ୍ତମାନ ସେ ମୋତେ ଭୁଲିଯାଇଥିବ । ଘଟଣାକୁ ଏକ ବର୍ଷ ବିତିଗଲାଣି । ହଉ.

 ସେ କଥା ଚ୍ଥାଡେ । ମୋର ବହୁତ କାମ ଅଛି । ମୁଁ ଯାଏ ...

     

ଦିଦି ଆଜି କଲେଜ ଯିବୁ ନି କି ? ଯଦି ସାଗର ଭାଇ ଆସନ୍ତି ତାହାହେଲେ ।

ଦେଖେ ସୀତା ... । ସେ ପିଲା ବର୍ତ୍ତମାନ ଜଣେ ପ୍ରସାଶନିକ ଅଧିକାରୀ ହେବେ । ମୋତେ ମନ ରଖିଥିବେ ସେ ବିଶ୍ବାସ ନାହିଁ ।

ଏମିତି କମ୍ ଲୋକ ଜୀବନରେ ଆସନ୍ତି ଆମକୁ ଠିକ୍ ରାସ୍ତା ଦେଖାଇବାକୁ । ସାଗର ଜୀବନରେ ସୀମା ଏକ ବରଦାନ ଥିଲା । ଯାହାକୁ ସିଏ ସବୁ ଦିନ କଲେଜ ଯିବା ରାସ୍ତାରେ ହଇରାଣ କରେ । ମୁଁ ତୁମକୁ ଭଲପାଏ କହି କହି .. ଅପଦସ୍ଥ କରାଏ । ସାଗର ଜଣେ ଖରାପ ପିଲା ବୋଲି କଲେଜରେ ପିଲାମାନଙ୍କ ଭିତରେ ଆଲୋଚନା ହୁଏ । ତା ଦୁଷ୍ଟାମୀକୁ ନେଇ । ହେଲେ, ଆଜି କେବଳ ଗୋଟିଏ ଚର୍ଚ୍ଚା ସାଗରର ସଫଳତା । 

ଟିକେ ଶୁଣ ! ସୀମା ଅଟକି ଗଲା । ସ୍ବରକୁ ଠିକ୍ ବାରି ପାରୁଥିଲା ସୀମା । ତା ଗୋଡ ଥରିବାକୁ ଲାଗିଲା । କି ଉତ୍ତର ଦେବେ ସେ , ସାଗର ଠାରୁ ମୁକ୍ତି ପାଇବା ପାଇଁ ସେ ସର୍ତ୍ତ ଟିଏ ରଖିଥିଲା । "ଯଦି ଭାରତୀୟ ପ୍ରସାଶନିକ ସେବା ପରୀକ୍ଷା ରେ ପାସ୍ କର ତାହାହେଲେ, ମୁଁ ତୁମକୁ ବାହା ହେବି । " ବର୍ତ୍ତମାନ ସୀମା କଣ କରିବ ? ସୀମା ମୁହଁ ପଛକୁ କରି ସାଗର ଆଗରେ ମୁଣ୍ଡ ପୋତି ଠିଆ ହେଲା ।

ତୁ ମୋ ପାଇଁ ଯାହା କରିଛୁ ନା ମୁଁ ତା ମୂଲ୍ଯ ଦେଇପାରିବି ନାହିଁ । ଠିକ୍ ରାସ୍ତାଟେ ଦେଖେଇଥିଲୁ ତୁ । ଚିନ୍ତା କରେନା ତୋ ଉପରେ ନିର୍ଭର କରେ , ତୁ ମୋତେ ବାହା ହେବୁ କି ନାହିଁ । ଏପରି କାହିଁକି କହିଥିଲୁ ମୁଁ ଜାଣେ ।ତୋର ଆଉ ସୀତାର କଥା ବର୍ତ୍ତାକୁ ମୁଁ ସେଦିନ ଶୁଣି ନେଇଥିଲି । 

ତୁ ବାପାଙ୍କୁ କହିବାର ଶୁଣିଥିଲୁ । ତାଙ୍କ ବହି ଦୋକାନରୁ ବହି କିଣି ପିଲା ସଫଳତା ଅର୍ଜ୍ଜନ କରୁଛନ୍ତି , ଆଉ ତାଙ୍କ ପୁଅ ।ତୋତେ ଧନ୍ଯବାଦ କହିବା,ତୋ ସାହାର୍ଯ୍ଯ ତୁଳନାରେ କିଛି ନୁହେଁ ।

କିଛି କହିବା ଦରକାର ନାହିଁ ।

ଅଛି ସୀମା । ଦୂର ଦିଗବଳୟରେ ସାଗର ଅନ୍ତିମ ସୀମାକୁ ଲୋକ ଦେଖନ୍ତି । ସେମାନେ ଅଭିନ୍ନ ହେଲେ ମଧ୍ଯ ଏକତାର ଭ୍ରମ ସୃଷ୍ଟି କରନ୍ତି । କିଛି ବୁଝିଲୁ ...