ପ୍ରେମ

ଫେବୃଆରୀ ମାସରେ ମଧ୍ୟ ଜାନୁଆରୀର ଫେରନ୍ତା ଶୀତରେ ଏତେ ଶିହରଣ, ଏତେ ଉଦ୍ଦୀପନା ! ପୂର୍ବ ନିର୍ଦ୍ଧାରିତ ପାର୍କର ସାମ୍ନା ଗେଟ୍ ଅତିକ୍ରମ କରିବା ପରେ ଚାରିପଟେ ଆଖି ବୁଲାଇ ଆଣିଲା ସୁହାନା । ଖୋଜୁଥିଲା ଗତ ତିନି ବର୍ଷ ତଳେ ବସିଥିବା ସେଇ ବେଞ୍ଚ ଓ ତା ପାଖରେ ମୁଣ୍ଡ ଟେକି ଛିଡ଼ା ହେଇଥିବା ମୂକ ସାକ୍ଷୀ କୃଷ୍ଣଚୂଡ଼ା ଗଛଟିକୁ । ବେଶୀ ଭିଡ଼ ନଥିଲେ ବି କିଛି ଲୋକ ଓ ପ୍ରେମି ଯୁଗଳ ଏପଟ ସେପଟ ହେଉଥିଲେ । ଏଇ ସହର ତା' ପାଇଁ ପୁରୁଣା ଥିଲା ହେଲେ ମାତ୍ର ତିନି ବର୍ଷ ପରେ ଆସିବି ଅପରିଚିତ ଲାଗୁଛି । ସେ ଯାଇ ସେଇ ପରିଚିତ ବେଞ୍ଚ ଉପରେ ବସି ପଡ଼ି ସ୍କାର୍ଫ ଟା ମୁଣ୍ଡରେ ଗୁଡେଇ ହେଇଗଲା । ଆହୁରି କୋଡ଼ିଏ ମିନିଟ୍ ବାକି ଅଛି । କାଳେ କ'ଣ ମେସେଜ ଆସିଥିବା ଭାବି ମୋବାଇଲ୍ ଟା ଅନ୍ କଲା ସୁହାନା !!