ଲାଇବ୍ରେରୀ
ପ୍ରୋଫାଇଲ୍
ଅପେକ୍ଷା
ଅପେକ୍ଷା
1 min
3.3K
ଛକରେ ବେଶୀ ଭିଡ଼ ନଥିଲା।ବସ ଆସିବାକୁ ଅପେକ୍ଷା କରି ଛିଡ଼ା ହୋଇଥିଲେ କିଛି ଲୋକ।ଭିଡ଼ ଭିତରେ ମୋ ଆଖି ଖୋଜି ବୁଲୁଥିଲା ତୋତେ।ହେଲେ ତୁ ଦିଶୁ ନ ଥିଲୁ କେଉଁଠି।
ମୁଁ କହିଥିଲି,"ମୁଁ ନିଶ୍ଚୟ ଆଗ ପହଞ୍ଚି ତୋତେ ଅପେକ୍ଷା କରିଥିବି।"
ତୁ କହିଲୁ,"ନାଇଁ, ମୁଁ ଆଗ ପହଂଚି ଅପେକ୍ଷା କରିବି ତୁମ ଲାଗି।"
ମୋତେ ଲାଗିଲା ମୁଁ ହିଁ ଡେରିରେ ପହଂଚିଥିଲି ଓ ତୋତେ ଖୋଜି ବୁଲୁଥିଲି ଭିଡ଼ ଭିତରେ।ଅଥଚ ତୁ ଯେ ମିଳୁ ନ ଥିଲୁ।ଲାଗିଲା, ହୁଏତ ତୁ ପହଞ୍ଚି ନାହୁଁ ତଥାପି।ମୋତେ ହୁଏତ ଅପେକ୍ଷା କରିବାକୁ ହେବ ତୋତେ।
ସେଦିନର ସେ ଅପେକ୍ଷା ଅପେକ୍ଷାରେ ହିଁ ରହିଗଲା ଯେମିତି।ଆଜିବି ମୁଁ ସେଇ ଛକରେ ଅପେକ୍ଷା କରିଛି ତୋତେ।ତୁ କଣ ଜାଣୁ ସେ କଥା?
