Library
Profile
ଯଶେଧାରା
ଯଶେଧାରା
ସେଦିନ ସକାଳୁ
ଉଠି ଯଶୋଧାରା.....
ଦେଖିଲେ ପାଶେ ଶେଯେ....
ନାହାନ୍ତି - ପ୍ରିୟ,ଗୌତମ
ଶୋଇଛି ନିଦରେ ଟିକି ଛୁଆ ରାହୁଳ,
ଉଠିଲେ କାନ୍ଦିବ ବିକଳେ....
ଖାଲି ଦେଖି ପିତାଙ୍କ ଶେଯ ।
ସ୍ଵାମୀଙ୍କ ବିରହେ ଖୋଜିଲେ ଆତୁରେ
ଆଖି ଭିଜିଅଛି ଲୋତକର ଧାରେ
ବହି ଯାଏ ବନ୍ୟା ସମ
ନାହିଁ ତାର ଥଳକୂଳ ।
ନିଦ ଭାଙ୍ଗି ପୁଅ ଖୋଜିଲା ବାପାଙ୍କୁ
ବୁଝି ନାହିଁ କିଛି ଜୀବନର ମାୟା,ମୋହ
ଜାଣିଛି କେବଳ ପିତାଙ୍କର ଶ୍ରଦ୍ଧା,ସ୍ନେହ ।
ବାପା ମାଆଙ୍କର ପାଳନ ପୋଷଣ
ସେବା କେତେ ଆକର୍ଷଣ।
ଗଳାକୁ ଫଟାଇ କରିଲା କ୍ରନ୍ଦନ
ମା'ଙ୍କୁ କରି ପ୍ରହାର ,
ବୁଝି କିପାରିବ ଜନନୀର ଦୁଃଖ ,
କେତେ ଅବା ଦୁର୍ବିସହ ।
ସ୍ଵାମୀଙ୍କ ବିହୁନେ କିପରି କଟିବ ଦିନ ।
ଏକା ଜିଦ୍ ତାର କାହିଁ ଗଲେ ବାପା କୁହ
ସାଉଁଟିଲେ କୋଳେ କରି ଆଲିଙ୍ଗନ
ଶୁଖାଇଲେ ଲୁହ ଗଣ୍ଡେ ଦେଇ ଚୁମ୍ଵନ ।
ବୁଝାଇ କହିଲେ ପୁଅକୁ ଜନନୀ ,
ହୃଦୟରେ ଚାପି କୋହ ।
ବାପା ଯାଇଛନ୍ତି କରିବାକୁ ଯୁଦ୍ଧ
କରିବାକୁ ଦିଗବିଜୟ
ସେ ବୀର ଆସିବେ ଫେରି ;
ଜଗିଥାରେ ଧନ,ମୋ କୁଳନନ୍ଦନ ତୁହି ।
ଆଣିବେ ତୋପାଇଁ ଅନେକ ଖେଳନା
ମିଠା ପୁଣି ଖାଇବୁ ଆନନ୍ଦ ମନେ ।
ଶୁଣି ଆଶ୍ଵାସନା ବାଣୀ,
ଶୋଇଗଲା ମାଆ କେଳେ ।
ପରନ୍ତୁ ମୁହଁକୁ ଲୁଚାଇ କାନ୍ଦନ୍ତି ଜନନୀ
ଗୁମୁରି ଗୁମୁରି ବିକଳରେ ।
କହିବେ କାହାକୁ ଦୁଃଖ ; ମନର ବେଦନା
ହୃଦୟ କିପରି ଜଳେ ।
ଛାତିକୁ ପଥର କରି ସାରିଲେଣି
ଅତୀତକୁ ଭୁଲିଯାଇ ।
ଦିନେ ପ୍ରାତଃ କାଳେ କିଏସେ ଭିକ୍ଷୁକ !
ଦ୍ଵାରେ- ଆସି ଡାକ ଦେଲେ----
"ଭିକ୍ଷାଂ ଦେହୀ ଭଦ୍ରେ !
ଭିକ୍ଷାଂ ଦେହୀ,ଭିକ୍ଷାଂ ଦେହୀ"
ମୁଖେ କରି ଉଚ୍ଚାରଣ ।
ଯଶୋଧାରା ଦେଖି ଚମକି ପଡ଼ିଲେ
ଲଣ୍ଡିତ ମସ୍ତିଷ୍କ,ଅକାଳ ଭିକ୍ଷୁକ,କପାଳେ ତିଲକ,
ପରିଧାନ ଗୈରିକ ବସନରେ ।
ପରିଚିତ କଣ୍ଠ , ଚିହ୍ନିଲା ପରାଏ,
ମନରେ ଆଶଙ୍କା ଉପୁଜେ ଅନେକ.....
ପାଶେ ଆସି ପଚାରିଲେ ; ସାଧୁଙ୍କର ପରିଚୟ ।
ଶୁଣି ଯଶୋଧାରା - ଯୋଗୀଙ୍କ ଠିକଣା
ବୁଦ୍ଧି ହେଲା ବଣା ; ହୋଇଗଲେ ମୂର୍ଚ୍ଛାଗତ
ଚେତା ଫେରି ପାଇ ଭର୍ଚ୍ଛନା କରିଲେ
ଶତ ଧିକ୍କାରରେ,କରି ତିରସ୍କାର,ଘୃଣା ।
ଫେରିଯାଅ ଭିକ୍ଷୁ ; ଫେରି ଯାଅ ଦୂରେ
ଯଶୋଧାରା ବାଣୀ,ଗଉତମ ଶୁଣି
ବୁଝାଇ କହିଲେ,ସମସ୍ତ କାହାଣୀ
କ୍ଷମାକର ମାତେ ! କ୍ଷମା କର ମୋତେ !
ସଂସାର ବିରାଗୀ,ଅଟେ ଗୃହ ତ୍ୟାଗୀ
ସନ୍ନ୍ୟାସୀ ମୁହିଁ ଆସିଛି ତୁମରି ଦ୍ଵାରେ ।
ମାଗେ ନାହିଁ ଧନ,ଜନ,ରାଜ ସିଂହାସନ
ସନ୍ଥ ମୁଁ ଜଗତ କଲ୍ୟାଣରେ ।
ପାଇବି ନିର୍ବାଣ,ହୋଇଯିବି ଧନ୍ୟ
ସାଧୁ ଦୀନ ହୀନ ଅକିଞ୍ଚନ ।
ଭିକ୍ଷା ଦିଅଗୋ ଜନନୀ,
ଲୋଡା ନାହିଁ କିଛି ଆନ ।
ସତ୍ୟ,ଦୟା,ଦାନ,ଧର୍ମ,କରୁଣା,
ଆସ୍ତେୟ,ଶାନ୍ତି,ଅହିଂସା- ପୂଜାରୀ
ପାଇଛି ଆଦେଶ- ଧରିଛି ଏ ବେଶ ;
ପ୍ରଭୁଙ୍କର ବାଣି - ଅହିଂସା ମନ୍ତ୍ର ପ୍ରଚାର
କରିଛି ସଂକଳ୍ପ ସାଧନାରେ ରତ ।
ଆସ ମୋର ସାଥେ,ଆସ....
ଦେଖାଇବି ମୁକ୍ତି ପଥ ।
ସାଧୁ ବାଣି ଶୁଣି କୋପେ ସେତରୁଣୀ.….
ଝିଙ୍ଗାସିଲେ,ସନ୍ନ୍ୟାସୀରେ
ଚାହେଁନା ନିର୍ବାଣ,ଚାହେଁ ମୁଁ ଜୀବନ,
ପୁତ୍ର,ଘର,ପରିଜନ,ପରିବାର ବନ୍ଧନ
କରିପାରିବିନି କଦାପି ମୁଁ ଛିନ୍ନ.....
ନୁହେଁ ମୁହିଁ ସ୍ଵାର୍ଥ ପର ।
ଚାଲିଯାଅ ସନ୍ନ୍ୟାସୀ ,ଚାଲିଯାଅ
ତୁରନ୍ତ ହୁଅନ୍ତୁ ମୋପାଶୁ ଅନ୍ତର
ଘରେ ମୋ ଶୋଇଛି ପୁଅ ।
