ବାଳ ଅରୁଣ

ପ୍ରଭାତରୁ ଦେଖ ପୁରୁବ ଆକାଶ

ଦିଶେ କେଡ଼େ ଶୋଭାବନ ।

ସିନ୍ଦୂରା ଫଟାଇ ସେନୀଳ ଗଗନେ

କୋକିଳ କରେ କୁଜନ ।।

ବିହଙ୍ଗମ କୁଳ ହୋଇଦଳ ଦଳ

ଆକାଶେ ଡେଣା ଝାଡିଣ ।

ସ୍ଵକୀୟ ରବରେ ଉଲ୍ଲାସ ମନରେ

ଖାଦ୍ୟ କଲେ ଅନ୍ଵେଷଣ ।।

ଭୃଙ୍ଗ ପ୍ରଜାପତି ଲଭିଲେ ମୁକତି

ଉଡ଼ି ଗଲେ ଫରଫର ।

ଫୁଲରୁ ଫୂଲକୁ ଲମ୍ଫ ଦେଇକରି

ମଧୁ ପାନ କରି ତାର ।।

ଫୁଲରେ ଫୁଲରେ ବାସ ଚହଟଇ

ମଧୁ ମକ୍ଷୀ ରଣଭଣ ।

ସର୍ବେ ନିଜ ନିଜ ନିତ୍ୟକ୍ରମ ସାରି

କର୍ତ୍ତବ୍ୟରେ ସମର୍ପିଣ ।।

ସବୁରି ଭରସା ଆଶା ବିଶ୍ଵାସର

ଅଶେଷ ପୁଲକ ମନ ।

ଖୁସିରେ ସ୍ଵାଗତ ସାରା ବିଶ୍ଵବାସୀ

କରନ୍ତି ଅଭିନନ୍ଦନ ।।