ନିର୍ଭିକ ଯୋଦ୍ଧା
ନିର୍ଭିକ ଯୋଦ୍ଧା
ଯୋଦ୍ଧାଟିଏ ସିଏ ଯୁଦ୍ଧ କରୁଅଛି
କରୋନା ସମ୍ମୁଖେ ଯହିଁ ।
ଦେଶର ସୁରକ୍ଷା ଦାୟିତ୍ୱ ଯାହାର
ସିପହିଠୁଁ କମ ନାହିଁ ।।
କୋଟି କୋଟି ବ୍ଯକ୍ତ ଶରୀର ସେବାରେ
ରହିଥାନ୍ତି ନିରନ୍ତରେ ।
ଆପଣା ଜୀବନ ସଙ୍କଟେ ପକାଇ
ଯୁଝୁ ଛନ୍ତି ନିର୍ଭିକରେ ।।
ସାଥି ତାଙ୍କ ଅଟେ ଷ୍ଟେଥିସ୍କୋପ୍
ହୃଦୟ ସ୍ପନ୍ଦନ ଯନ୍ତ୍ର ।
କାଗଜ କଲମ ଔଷଧ ପୁଟୁଳୀ
ଶ୍ରଦ୍ଧା,ସ୍ନେହ ତାଙ୍କ ମନ୍ତ୍ର ।।
କରୋନା ରୋଗୀଙ୍କୁ ରୋଗ ମୁକ୍ତ ପାଇଁ
ରହିଥାନ୍ତି ଅହରହ ।
କୋଭିଡ଼ ଭୂତାଣ ସଂଗ୍ରାମରେ ରତ
ଭୁଲିଯାଇ ଘର ମୋହ ।।
ଡାକତର ସିଏ ବୃତ୍ତି ଯାର ସେବା
ଆଜୀବନ ଉପକାରେ ।
କେତେଯେ ରୋଗୀଙ୍କୁ ଆରୋଗ୍ୟ କରନ୍ତି
ଦେବଦୂତ ପରକାରେ ।।