ଯୋଗ ଆଉ ଶାନ୍ତି
ଯୋଗ ଆଉ ଶାନ୍ତି
ଯୋଗ ଆଉ ଶାନ୍ତି ଅଙ୍ଗାଙ୍ଗୀ ଭାବେ ଜଡ଼ିତ
ଯୋଗକଲେ ସୁପ୍ତ ମନ ହୁଅଇ ଜାଗ୍ରତ
ସଂଯମତା ରକ୍ଷାକରି ନିଜ ମନ ଓ ହୃଦୟର
ଯନ୍ତ୍ରଣା ହୁଅଇ ଲାଘବ, ଇନ୍ଦ୍ରିୟ ମାନଙ୍କର
ସଂଯମତା ଭରି ଦିଏ ଦେହ, ମନ ଓ ଶରୀରରେ
ଏକ ଶକ୍ତ ଧୀଶକ୍ତି ର ପ୍ରଚେଷ୍ଟା, ବିଫଳତା
ଏଠି ହାରମାନିଯାଏ ଓଁକାର ଧ୍ଵନି ଥରେ
ପ୍ରତିଧ୍ୱନୀତ ହେଲେ ଶାନ୍ତିର ବୀଜମନ୍ତ୍ରରେ
ରୋଗ ଭୋଗ ମଦ ମାତ୍ସର୍ଯ୍ୟ ଦୂର ହୋଇଯାଏ
ମନ ବାସ୍ତବ ରୂପ ନେଇ ତା'ର
ରଜୁଟିକୁ କରି ଚେତୁଆଳ ନିରବିଘ୍ନରେ।
କର୍ମପଥରେ ଅଗ୍ରସର ହୋଇ
ବଢାଇ ଥାଏ ଯଶ କ୍ଷ୍ୟାତି
ଶାନ୍ତି ର ପଥ ଉନ୍ମୁକ୍ତ ହୋଇଯାଏ ଆପେ ଆପେ
ଏକ ପବିତ୍ର ଭାବନା ସ୍ବଭାବ ଯୁକ୍ତ ହୋଇ
ସଭିଙ୍କ ସାମ୍ନାରେ।
ଯୋଗ କଲେ ଗୋଟିଏ ସୁସ୍ଥ ମନରୁ
ଉଦଭାସିତ ହୁଏ ସୁନ୍ଦର କମନୀୟ
ଜାଗ୍ରତ ଭାବନା ଯାହା ବୁଣି ଦିଏ
ପ୍ରତି ଘରେ ଘରେ ଶାନ୍ତିର ମନ୍ତ୍ର
ସୃଷ୍ଟି ହୁଏ ଏକ ସୁସ୍ଥ ପରିବେଶ
ସୁରକ୍ଷା କବଚ ହୋଇ
ଜୀବନର ପ୍ରତିଟି ପାଖୁଡାର ସ୍ପର୍ଶରେ।