ଯକ୍ଷପ୍ରଶ୍ନ

● ଯକ୍ଷପ୍ରଶ୍ନ

ସାମ୍ରାଜ୍ୟ ବିସ୍ତାରର ଯୋଜନା ଚୁଡାନ୍ତ

ଆଉକିଛି ଏ ଭୂଲୋକର ଅଂଶ

ବିଧ୍ବସ୍ତ ହେବା ନିଶ୍ଚିତ , ତା' ପୂର୍ବରୁ

ମଗଧାଧିପତି ଚଣ୍ଡାଶୋକ ଏବେ ନିଦ୍ରାମଗ୍ନ

ନରସଂହାରର ରକ୍ତସ୍ନାନ ପରେ 

ସେ ବୀତଶୋକ ,

ସୁଷୁପ୍ତିର ଚିତ୍ତବୃତ୍ତି ଆଉ ବ୍ୟାଘାତ ନହେଉ

ଶାନ୍ତି ବଜାୟ ରହୁ , ଏହି ହେତୁ

ଛିଙ୍କିବା କାଶିବା ସମ୍ପୂର୍ଣ୍ଣ ନିଷେଧ ।

ବ୍ୟବସ୍ଥାରେ ଦଖଲ ନଦେଉ କେହି

ଚାଲୁଥାଉ ଏ ବ୍ୟବସ୍ଥା

ଆହୁରି ଦୀର୍ଘକାଳ .. ଭବିଷ୍ୟତ ଯାଏଁ

ଶାନ୍ତିରେ ସହବସ୍ଥାନ ହେଉ

ମଗଧରେ ନରହିବ ତ କୁଆଡ଼େ ଯିବ ?

ସୀମାନ୍ତ ସେପାରି ?

ତୁମର କି ଯାଏଆସେ 

ନାମକୁ ମାତ୍ର କହିବାର ଲାଗି କି ମଗଧ !

ରହିବାର ଯୋଗ୍ୟ ନୁହେଁ ବୋଲି

କାହିଁକି କହୁଛ ?

ଚୁପ୍ କର ଏଥର , 

ବିରୋଧ କରିବା ବନ୍ଦ କର , ଅନ୍ୟଥା 

ଶାସକ ବିରୁଦ୍ଧରେ ସ୍ବର ଉଠାଇବା

ପ୍ରଥା ହୋଇଯିବାର ଆଶଙ୍କା ଅଛି ।

କାହିଁ କେହି ତ ପ୍ରଶ୍ନ କରୁନାହାନ୍ତି

ଯେତେ ଚେଷ୍ଟା କରି ଦେଖିନିଅ ତୁମେ

ବରଂ ତୁମକୁ ହିଁ ପ୍ରଶ୍ନ କରାଯିବ

ଯକ୍ଷପ୍ରଶ୍ନ ....

ରାଜପଥରେ ଶବଯାତ୍ରା ଚାଲିଥିବା

ସେହି ଲୋକଟିର ମୃତ୍ୟୁ ହେଲା କିଭଳି ?

କିଛି ଲୋକଙ୍କ ଅକାଳମୃତ୍ୟୁ ପାଇଁ

ତୁମେ ଦାୟୀ ନୁହଁ ତ