Become a PUBLISHED AUTHOR at just 1999/- INR!! Limited Period Offer
Become a PUBLISHED AUTHOR at just 1999/- INR!! Limited Period Offer

Dambarudhar Dash

Romance

3  

Dambarudhar Dash

Romance

ଯିଏ ଯାହା ପାଇଁ

ଯିଏ ଯାହା ପାଇଁ

1 min
185


ପୋଖରୀ ରେ ନୂଆ କରି ଫୁଟି ଆସୁଥିବା ଏକ କଇଁ

ଦିନେ ସେ ପ୍ରଥମ କରି ଦେଖିଲା ସୂର୍ଯ୍ୟଙ୍କର

ଉଦୟ କାଳୀନ କନକ କିରଣ ,

ଏହା ଦେଖି କଇଁ ମନ ହେଲା ପୁଲକିତ

ନିର୍ବିକରେ ସମର୍ପି ଦେଲା ଆପଣାର ମନ ଆଉ ପ୍ରାଣ ।

ସେଇ କନକ କିରଣକୁ ନିଜ ଭିତରେ ସାଇତି ରଖିବା ପାଇଁଁ

ପ୍ରଶସ୍ତ କରିଦେଲା ତା'ର ପ୍ରତ୍ୟେକଟି ପାଖୁଡା,

ସୂର୍ଯ୍ୟ ମଧ୍ୟ ବୁଝିଥିଲା ସେଇକଥା

ସବୁକାଳେ ସୂର୍ଯ୍ୟର ସୌନ୍ଦର୍ଯ୍ୟ ବୃଦ୍ଧି ପାଇଁ ପଦ୍ମିନୀ ଯେ ଲୋଡା ।

ତେଣୁ ପରସ୍ପରେ ଚାହିଁ 

ହୋଇ ଅନୁରାଗ ପୁଣି ଦେଲା ପ୍ରତିଶ୍ରୁତି,

କେହି କାହାକୁ ଭୂଳିବାନି 

ରହୁଥିବା ସଦା ସାଥୀ ହୋଇ ବୋଲି କରିଲେ ନିଷ୍ପତି ।

ମାତ୍ର ତାହା ବେଶି ସମୟ ରହିଲାନି 

 କଇଁର ଦୁର୍ଭାଗ୍ୟ ଫଳରେ,

ଆଶାର ସୌଧ ମଉଳି ଗଲା

ଭାଙ୍ଗି ଲୀନ ହୋଇଗଲା ସେହି ଅଗାଧ ଜଳରେ ।

କଇଁର ଖୁବ୍ ନିକଟରେ ସୁନ୍ଦର ପାଖୁଡ଼କୁ ମେଲି 

ପ୍ରସ୍ଫୁଟିତ ହେଲା ଏକ ସରଙ୍ଗ ପଦ୍ମିନୀ ,

ଅପୂର୍ବ ସେ ଶୋଭମୟୀ

ସୂର୍ଯ୍ୟଙ୍କର ମନ ଆଉ ପ୍ରାଣ ଦେଲା କିଣି ।

କଇଁ ପ୍ରତି ଦେଇଥିବା ପ୍ରତିଶ୍ରୁତି 

ଆଜି ସବୁ ହେଲା ସେ ପ୍ରତାରଣା ।

ସୁକୁମାରୀ କଇଁ ଆଜି

ଭୋଗ କରେ ଦୁଃଖ ଆଉ ଅସହ୍ୟ ଯନ୍ତ୍ରଣା ।

ପଦ୍ମିନୀକୁ ପାଇ ସୂର୍ଯ୍ୟ 

ହୋଇ ଆନମନା ପୁଣି କରେ କେତେ କ୍ରୀଡା, 

ନିଷ୍ଠୁର କିରଣ ଜାଳି ପୋଡିଦିଏ 

ତା' ପାଇଁ ଉତ୍ସର୍ଗୀକୃତ ସୁକୁମାରୀ କଇଁର ପାଖୁଡା ।

ଆଜି କର୍ମକୁ ଆଦରି ନେଇ 

ଦୁଃଖ ଆଉ ଯନ୍ତ୍ରଣାରେ କାନ୍ଦି କହେ କଇଁ, 

ହେ ବନ୍ଧୁ ସବୁ ଦୋଷ ମୋର 

ତୁମର ତ କିଛି ଦୋଷ ନାହିଁ ।

ଆଜି ମୋର ମନେ ପଡ଼େ 

ପୂର୍ବରୁ ସେ କହିଥିବା କଥା, 

ସୃଷ୍ଟିର ସର୍ଜନା କାଳେ ଯାହା ସ୍ୱୟଂ କହିଥିଲେ ଧାତା ।

ସୃଷ୍ଟିକୁ ସର୍ଜନା କରି 

ଏହି ବର ଦେଇଛନ୍ତି ବିହି, 

ଆଜିଠୁ ଏହାହେଉ ଯିଏ ଯାହା ପାଇଁ 

ଆଉ ସିଏ ତାହା ପାଇଁ ।


Rate this content
Log in