ଯେବେ ମୋତେ ଛୁଇଁଗଲା

ଯେବେ ମୋତେ ଛୁଇଁଗଲା ଋତୁରାଜ ଷୋହଳ

ବାଟେଘାଟେ ସରତୁଠେ ପଡିଗଲା ଚହଳ

କୃଷ୍ଣଚୂଡା ଫଗୁ ମୁଠେ 

ବୋଳିଦେଲା ମୋର ଓଠେ

ନବଘନ ଲେସିଦେଲା ନୟନରେ କଜଳ।୦ା

ଯୂଇଜାଇ, ହେନାମଲ୍ଲି ଦେଲେ ବାସ ଅତର

ଲାଜକୁଳି ପଢାଇଲା ସରମର ମନ୍ତର

ମଧୁଝରା ନିଶାକର

ସଜାଇଲା ରୂପ ମୋର

ଝରଣା ବି ଝରିଗଲା କେଶ କରି ଗହଳ।

ଯେବେ ମୋତେ ଛୁଇଁଗଲା ଋତୁରାଜ ଷୋହଳ।୧ା

ସାତସୁର ଭରିଦେଲା ପିକ ମୋର ଗଳାରେ

ଶିରାବଣ ଖଞ୍ଜିଦେଲା ନୂପୁର ମୋ ପାଦରେ

ନଈ ତାର ଛନ୍ଦଭରା

ଚାଲି ମୋତେ ଶିଖାଇଲା

ମଧୁପାୟୀ ପଢାଇଲା ପ୍ରୀତି କରି ସରଳ।

ଯେବେ ମୋତେ ଛୁଇଁଗଲା ଋତୁରାଜ ଷୋହଳ।୨ା