ଯେବେ ଚିଠି ଲେଖିଥିଲି ତମ ନାଁରେ
ଯେବେ ଚିଠି ଲେଖିଥିଲି ତମ ନାଁରେ
ଯେବେ ଚିଠି ଲେଖିଥିଲି ତମ ନାଆଁରେ
ନୀଳ କଇଁ ପରା ନୀଳବିଷ ପିଇ
ଛଟପଟ ହେଲା ନୀଳ ଜହରେ
ଯେବେ ଚିଠି ଲେଖିଥିଲି ତମ ନାଆଁରେ
ତାରାମାନେ ସବୁ ହେଲେ କୁହାକୁହି
ଉଲକା ମାନେ ମୁଁହ ଲୁଚେଇଲେ କାହିଁ
କୋଇଲିଟା ଡାକେ ତା ମିଠା ସ୍ଵରେ
ଯେବେ ଚିଠି ଲେଖିଥିଲି ତମ ନାଆଁରେ
ଶ୍ରାବଣେ ଶ୍ରାବଣୀ ଲୁହ ଝରାଇ
ମାଘରେ ମେଘଟା ମୁହଁ ଫୁଲେଇ
ଜହ୍ନ ଦେଖୁଥିଲା ଆମ ଛିଟ ଛଟା କାନ୍ଥରେ
ଯେବେ ଚିଠି ଲେଖିଥିଲି ତମ ନାଆଁରେ
ଆକାଶରେ ଖାଲି ପଡିଲା ଛାଇ
ମୌସୁମୀ ଗଲା କେଜାଣି କାହାକୁ କହି
ଜହ୍ନ ଆଲୁଅରେ ମୋ ଝରକା ସେପାରେ
ଯେବେ ଚିଠି ଲେଖିଥିଲି ତମ ନାଆଁରେ
ବଉଦ ଭିତରେ ମେଘ ମୁହଁ ଲୁଚେଇ
ଜହ୍ନ ଦେଖେ ଧରାରେ ପ୍ରିୟତମା ତା କେହି
ଠିକଣା ହଜିଲା ଜହ୍ନ ଫେରିଲା ମଳୟରେ
ଯେବେ ଚିଠି ଲେଖିଥିଲି ତମ ନଆଁରେ
ପକ୍ଷୀ ଉଡିଗଲା ଡେଣା ମେଲେଇ
ମେଘ ଆସିଗଲା ସବାରୀ ଥୋଇ
ନାଚନ୍ତି ମୟୂର ମୟୂରୀ ଏକା ସାଥିରେ
ଯେବେ ଚିଠି ଲେଖିଥିଲି ତମ ନାଆଁରେ ।