ଉତ୍ତର

ସମୟ ଅନେକ ଥିଲା, ଆଶା ବି ଅନେକ,

ହେଲେ ସମୟରେ ବରବାଦ ଆଶା ,

ଶିଖାଇଛି ଏତେ କଥା,

କେଜାଣି କେମିତି , ସ୍ଵପ୍ନ ଆଜି ବି ଅନେକ ।

ମୁଁ ତାକୁ ଛଳନା କହିବି ନା ପ୍ରତାରଣା କହିବି,

ନା ନା... କିଛି ବି କହିବିନି,

ମୁଁ କାହିଁ କିଛି କହିବି

ସେ ତ ପଦେ , କଥା ହୋଇ

କିଛି ବି କହିନି ।

କଣ ଥିଲା ତା ମନେ ଅବା କଣ ଅଛି 

କେବଳ ସେ ହିଁ ଜାଣିଛି ,

ମନକୁ ତା କେତେ ଆକଟ କରିଛି ,

ମୁଁ କଣ ସତରେ କେଜାଣି ତା ମନରେ !

ନହେଲେ ମୁଁ କେମିତି ତା ପାଖରେ,

ଆକଟ ହୋଇଛି ।

ତୋତେ ଭୁଲିବାକୁ,

ଏ ମନରୁ କାଢ଼ିବାକୁ ... ଚେଷ୍ଟା ତ 

ଅନେକ କରିଛି ,

ଏ ମନରେ ତୁ ଥିଲେ ତ !

ଏ ମନକୁ ତୋ ଛାଇଟା ତ ...

ଆଜିବି ଘୋଡାଇ ରଖିଛି ।

ଏମିତି କେମିତି ...

ପ୍ରକୃତିର ନିୟମରେ ସଂଶୋଧନ,

ଓଠ ହସ ଆଉ ଆଖି ଲୁହ

ଏକ ସମୟରେ ଉପଲବ୍ଧି

କରୁଛି ଜୀବନ ।

ଯେମିତି ସେମିତି...

ସ୍ଵାଭିମାନ ଟିକେ...

ପାଦ ଆଗକୁ ନେଉନି,

ସେ କାହାର ହୋଇ ପାରିନି କି

ମୋତେ କାହାର କରାଇ ଦେଇନି ।

ଏତେ ଖେଳ ... କରାଳ

ସମୟ, ଭାଗ୍ୟ ... କିଏ ବା କରିଛି,

ମୁଁ ତ କାଲି ସ୍ନିଗ୍ଧତାରେ 

ଉଲ୍ଲସିତ ହୋଇଛି,

କିଏ ବା କରିଛି,

ସେ କିଏ ...ସେ କି ଆମ ପ୍ରେମ

ଉତ୍ତର ସେ ହିଁ ଜାଣିଛି ।