Library
ଉତ୍କଳର ନେତା
ଉତ୍କଳର ନେତା
ପରମ ପୁରୁଷ ହେ ପରମ ପିତା
ଆଦି ଅନନ୍ତ ପରମ ନାଥ
ପଥ ପ୍ରଦର୍ଶକ ହୁଅ ହେ ଠାକୁର
ଉତ୍କଳ ର ନେତା ସ୍ୱୟଂ ଜଗନ୍ନାଥ ।
ନେତା ନୁହେଁ କେହି ଅଭିନେତା ସର୍ବେ
ଅଭିନୟ ମଞ୍ଚପରେ
ରଙ୍ଗ ମାଖି ସିନା ଅଭିନୟ କର
ଅଭିନୀତ ନାଟକରେ।
ଅଙ୍କ ସରିଗଲେ ଯବନିକା ପଡେ
ନେପଥ୍ୟେ ରେ କୋଳାହଳ
ନାୟକ ନାୟିକା ବେସାହାରା ସର୍ବେ
ଅର୍ଥ ଅନର୍ଥ ର ମୂଳ।
ଭଣ୍ଡିବାକୁ ଭଣ୍ଡ ଭାଣ୍ଡ ଧରିଛନ୍ତି
ଉଦଣ୍ଡ ହେଉଛି ଭାବ
କୋଦଣ୍ଡ ଧରିଣ ଆସ ମହାପ୍ରଭୁ
ହେଉ ରାମ ରାଜ୍ୟ ସତ।
ଉତ୍କର୍ଷ ର ଭୂମି ଉତ୍କଳ ଅଟଇ
ନୀତି ପରମ୍ପରା ସାର
ଉତ୍କଳ ର ନେତା ସ୍ୱୟଂ ଜଗନ୍ନାଥ
ଅନାଦି ଅନନ୍ତ ବର।
ପ୍ରଜା ସୁଖ ଲାଗି ରଜା ବଡ଼ ପଣ
ଲଜ୍ଜା ରେ ଜୀବନ ରେଖା
ସଜା ଦେବାପାଇଁ ଖଞ୍ଜା ଯେ ଖସଡ଼ା
ଜୀବନ ର ମହାଶିକ୍ଷା।
ନୀତି ଆଦର୍ଶ ରେ ରଖିବାକୁ କୃତ୍ତି
ବୃତ୍ତି ହେଉ ନିତି ଧାର୍ଯ୍ୟ
ଉତ୍କଳ ର ନେତା ସ୍ୱୟଂ ଜଗନ୍ନାଥ
ତବ ପଦେ ଯେ ବିଚାର୍ଯ୍ୟ।
ନେତା ହେବା ପାଇଁ ଭତ୍ତା ନୁହେଁ କାମ୍ୟ
ସେବା ସଂସ୍କାର ରେ ଲୟ
ଅନ୍ୟଥା ସଂସାର ସଂସ୍କୃତିର ଯେ
ହେବ ନିଶ୍ଚିତ ବିଲୟ।
ଉତ୍କଳ ର ନେତା ସ୍ୱୟଂ ଜଗନ୍ନାଥ
ଏତିକି ଭାବନା ରହୁ
ସତ ପଥେ ସଦାଚାରେ ଶାଳୀନରେ
ଜୀବନ ବାହିତ ହେଉ।
ଲୟ ରହୁ ସଦା ନୀତି ଆଦର୍ଶରେ
ମନଭାବ ସୁକୀର୍ତ୍ତି ରେ
ଅଭିନୟ ସାରି ଫେରିବାକୁ ହେବ
ରଚି ଇତିହାସ ସ୍ମୃତିରେ ।
