ଉପବାସ

ସ୍ୱ।ସ୍ଥ୍ୟ ପାଇଁ ଭଲ ବ୍ରତ ଉପବାସ

ପାଳିବା ଧାର୍ମିକ ବିଧି

ନଷ୍ଟ ହୋଇଯାଏ ଦୂଷିତ କୋଷିକା

ଶରୀର ହୁଅଇ ଶୁଦ୍ଧି ।

ପାଳନ କରନ୍ତି ନିଷ୍ଠା କାଷ୍ଠା ବ୍ରତ

ଅଥବା ଆ°ଶିକ ଭାବେ

ଗ୍ରହଣ କରନ୍ତି କେହି କେହି ଜଳ

ହବିଷ୍ୟାନ୍ନ ଏକବେଳେ ।

ଏକାଦଶୀ ପରି ପବିତ୍ର ତିଥିରେ

ଗଣ୍ଡୁଷେ ଜଳ ତୁଳସୀ

ଶୁଦ୍ଧ ଚିତ୍ତମନେ ପାଳନ୍ତି ନିର୍ଜଳା

ଅବା ଫଳାହାର କରି ।

କ୍ରମାଗତ ଭାବେ ତିନିଦିନ ଯଦି

କରାଯାଏ ଉପବାସ

ପ୍ରାକୃତିକ ରୂପେ ଜୀବାଣୁ ଭୂତାଣୁ

ହୋଇ ଯାଇଥାନ୍ତି ନାଶ ।

ସୃଷ୍ଟି ହୋଇଥାଏ ଶରୀର ମଧ୍ୟରେ

ନୂତନ ଶ୍ୱେତ କଣିକା

ରୋଗ ପ୍ରତିରୋଧ ଶକ୍ତି ବୃଦ୍ଧି ହୁଏ

ହୁଅଇ ମନ ହାଲୁକା ।

କଲେ ଉପବାସ ବୟବୃଦ୍ଧ ଲୋକେ

ମିଳଇ ଉତ୍ତମ ଫଳ

ହୁଏ ଚିତ୍ତ ଶୁଦ୍ଧି ବିକାର ଶୋଧନ

ରୁହଇ ମନ ପ୍ରଫୁଲ୍ଲ ।

କ୍ଷୁଧା ପ୍ରପୀଡ଼ିତ ଅନିଚ୍ଛାଜନିତ

ଅନାହାର ଉପବାସ

କ୍ଷୀଣ କରିଥାଏ ଆୟୂ ବଳ ତେଜ

ପ୍ରାଣକୁ କରେ ହତାଶ ।