ଲାଇବ୍ରେରୀ
ପ୍ରୋଫାଇଲ୍
ତୁମକୁ ମୁଁ ଭଲ ପାଏ
ତୁମକୁ ମୁଁ ଭଲ ପାଏ
1 min
243
ତୁମକୁ ମୁଁ ଭଲ ପାଏ,
ଭଲପାଏ ତୁମକୁ ମୁଁ,
କିନ୍ତୁ କାହିଁକି କେଜାଣି
ତୁମକୁ ଦେଖି ଶଙ୍କିଯାଏ,
କାଳେ କିଛି ତୁମେ ଭାବିବ ବୋଲି,
ବଢିଥିବା ପାଦଟି ମୋର,
ଆପେ ପଛକୁ ହଟିଯାଏ,
ହେଲେ ତୁମକୁ ମୁଁ ବହୁତ ଭଲ ପାଏ
ତୁମକୁ ମୁଁ ଭଲ ପାଏ,
ଭଲପାଏ ତୁମକୁ ମୁଁ,
ଦୂରରୁ ତୁମକୁ ମୁଁ ବାରମ୍ବାର ଚାହୁଁଥାଏ,
କିନ୍ତୁ ତୁମେ ପାଖକୁ ଆସିଲେ,
ଦୃଷ୍ଟି ମୋର ତଳକୁ ଚାଲିଯାଏ,
କଣେଇ ଚାହିଁବାକୁ ଇଛା ଥିଲେ ବି,
ବିବେକ ମୋର ବାଧା ଦିଏ,
ହେଲେ ତୁମକୁ ମୁଁ ବହୁତ ଭଲ ପାଏ
ତୁମକୁ ମୁଁ ଭଲ ପାଏ,
ଭଲପାଏ ତୁମକୁ ମୁଁ,
ସତକଥା ସବୁ ଖୋଲି କହିଦେବି ବୋଲି,
ସାହସ ସଦା ମୁଁ ସଞ୍ଚୁଥାଏ,
କିନ୍ତୁ ତୁମପାଶେ ଯାଇ କହିଲା ବେଳକୁ,
ଓଠଟା ମୋର ଥରି ଯାଏ,
ହେଲେ ତୁମକୁ ମୁଁ ବହୁତ ଭଲ ପାଏ
