ତୁମକୁ ଅପେକ୍ଷା

ଲେଖୁଛି ଲେଖିବି ଲେଖିଚାଲିଥିବି

   ଶେଷନିଶ୍ୱାସ ଥିବା ଯାଏଁ

 ଚାହିଁଛି ଚାହିଁବି ଚାହିଁରହିଥିବି

    ତୁମେ ନ ଆସିବା ଯାଏଁ

 ମନଗହନର କେତେ କଥା ଅଛି

    ତୁମକୁ କହିବା ପାଇଁ

  ସବୁରାଗରୁଷା ସବୁ ଅଭିମାନ

    କେବଳ ତୁମରି ପାଇଁ

    ତୁମେ ମୋ ଆରମ୍ଭ ତୁମେହିଁ ମୋଶେଷ

       ତୁମବିନା ମୁଁ କିଛି ନାହିଁ

  ପାଇଛି କେତେମୁ ହରେଇଛି ଯାହା

     ସେ କଥା ମୁଁ ଜାଣି ଥାଏ

   ଅନ୍ତର ଆତ୍ମା ସଦା କହୁଥାଏ

     ମୁଁ ତୁମକୁ ଭଲପାଏ

  କେତେଦିନ ପାଇଁ ମୋର ଏ ଅପେକ୍ଷା

     କିଛିବି ମୁଁ ଜାଣେନାହିଁ

  ଅମାନିଆ ଲୁହ ବୋହିଚାଲିଥାଏ

    ଝରୁଥାଏ ବାରମ୍ବାର

  ଯେତେ ଦୂରେ ତୁମେ ଥାଅ ପଛେ ସାଥୀ

     ମୋ ମନ ସଦା ତୁମର

  ତୁମରି ପ୍ରେମରେ ଏହିପରି ସାଥୀ

      ବିତୁ ଥାଏ ରାତି ଦିନ

    ଜାଣେନାହିଁ କେବେ ସରିବ ଅପେକ୍ଷା

      ଆସିବ ସେ ଶୁଭ ଦିନ

  ସେଇ କଥା ଭାବି ମନେ ମନେ

     କେତେ ଗୀତ ଲେଖୁ ଥାଏ

 ମୋ ମନ ଭାବନା ତୁମ କଥା ଭାବି

   ମୋତେ ଖାଲି କହୁଥାଏ

 ଇଶ୍ୱର କରନ୍ତୁ ପହିଯାଉ ରାତି

    ଆସିଯାଉ ଶୁଭଦିନ

  କେତେ ଯେ ବେଦନା ଭରିଛି ମନରେ

     ଜାଣିଛି ମୁଁ ଓ ମୋର ଏହି ମନ