ତୁମେ
ତୁମେ
1 min
191
କେମିତି କହିବି ବିରହ ଯନ୍ତ୍ରଣା
ପ୍ରତିକ୍ଷଣେ ହୃଦୟ ଖୋଜୁଛି ତୁମକୁ,
ତୁମ ସେଇ ମୋନାଲିଶା ହସ
ବାରମ୍ବାର ଟାଣୁଛି ତୁମ ପାଖକୁ ।
ନିଶାର୍ଦ୍ଧରେ
ଯେବେ ଭାବେ ତୁମ କଥା
ମନ ମୋର ଅସ୍ଥିର ହୁଏ,
ତୁମ ଭାବନାରେ ମଗ୍ନ ହୋଇ
ଲୋମ ତକ ଟାଙ୍କୁରି ଉଠେ ।
କାହିଁକି
ତୁମକୁ ଝୁରେ ମୋ ମନ,
ଓଠ ମୋର ଲାଜ କରେ,
ଭାବନାରେ ମଗ୍ନ ହୋଇ,
ତୁମ ପ୍ରତିଛବିକୁ
ଦଉଥାଏ ପ୍ରୀତିଭରା ଚୁମ୍ବନ ।
ମୋ ଭାବନା ରାଇଜେ
ତୁମେ ଏକ ନିଆରା ପରିକଳ୍ପନା,
ସଙ୍ଗିନୀ ଗୋ ତୁମେ
ମୋ ପାଇଁ
ପୁନେଇ ରାତିର ସୁନେଲି ଜୋଛନା ।